नेपाललाई मारियन्सको बलियो चुनौती

एजेन्सी – तेस्रो अभ्यास खेलमा श्रीलंकाको चिलाव मारियन्सले नेपाली यू१९ टोलीलाई २ सय २५ रनको लक्ष्य दिएको छ । टस हारेर ब्याटिङ थालेको मारियन्सले निर्धारित ५० ओभरमा ८ विकेट गुमाउँदै २ सय २४ रन बनायो ।

राम्रो सुरुवात गरेको मारियन्सले १२.३ ओभरमा ओपनर दुसानलाई २६ रनमा गुमाएको थियो । दुसानलाई सुर्य तामाङले पेभिलिएन फर्काउँदै नेपाललाई पहिलो सफलता दिलाए । नेपाललाई दोस्रो सफलता सागर ढकालले दिलाए । ३९.२ ओभरमा नेपाललाई पवन सरार्फले सफलता दिलाएका थिए ।

नेपालका लागि सिनियर टोलीबाट खेली सकेका अलराउन्डर पवन सरार्फले १० ओभरमा ४६ रन खर्चेर २ विकेट लिए । त्यस्तै सुर्य तामाङले २,सागर ढकाल,कमलसिंह ऐरी,राशिद खानको नाममा समान १ विकेट रह्यो ।

नेपाल पहिलो अभ्यास खेलमा अन्तिम बलमा क्याच छुट्दा एसएससी यू२३ सँग ३ विकेटले पराजित भएको थियो । त्यस्तै दोस्रो खेलमा भने बादुरेलिया सीसीलाई ८० रनले पराजित गरेको थियो ।