एजेन्सी – न्युजिल्यान्डसँगको पहिलो टेष्ट खेलमा घरेलु टोली श्रीलंका सहज जित तर्फ अघि बढेको छ । २ सय ६८ रनको विजयी लक्ष्य पछ्याएको श्रीलंका चौथो दिनको खेल सकिदा ५० ओभरमा १ सय ३३ रन बनाउन कुनै विकेट गुमाएको छैन ।

पाँचौ तथा अन्तिम दिन श्रीलंकालाई जितको लागि १ सय ३५ रन आवश्यक पर्ने छ र उसको १० विकेट सुरक्षित छ । कप्तान दिमुथ करुणारत्ने १ सय ६८ बलमा २ चौका सहित ७१ रनमा अविजित छन् । कप्तान दिमुथलाई लाहुरु तिरिमाने ५७ रन अविजित रहँदै राम्रो साथ दिएका छन् ।

न्युजिल्यान्ड पहिलो इनिङमा २ सय ४९ रनमा समेटियको थियो । श्रीलंकाले पहिलो इनिङमा २ सय ६७ रन बनाएपछि न्युजिलयान्ड पहिलो इनिङमा १८ रनले पछि परेको थियो । दोस्रो इनिङमा न्युजिल्यान्डले २ सय ८५ रन बनाएपछि सम्रगमा श्रीलंकाले २ सय ६८ रनको लक्ष्य पाएको हो ।

दोस्रो इनिङमा न्युजिल्यान्डका लागि विकेटकीपर बिजे वाटिङले १ सय ७३ बलमा ६ चौका सहित सर्वाधिक ७७ रनको योगदान दिए । पहिलो इनिङमा डक आउट हुन पुगेका कप्तान केन विलियमसन दोस्रो इनिङमा ४ रनमै पेभिलिएन फर्केका थिए ।

त्यस्तै दोस्रो इनिङमा न्युजिल्यान्डका टम लेथम ४५,हेनरी निकोलस २६, तल्लोक्रमका विलियम सोमरविले ४० र ट्रेन्ट बोल्टले २६ रनको योगदान दिए । श्रीलंकाका लथिस एम्बुलेन्सियाले ४,धनन्जय डी शिल्भा ३, लाहुरु कुमारा २ र अलिका धनन्जयले १ विकेट हात पारे ।