सोमपाल सम्मिलित हक्स प्लेअफ नजिक

एजेन्सी – ग्लोबल टि२० क्यानडामा दोस्रो राउण्डको खेलमा नेपाली तीव्र गतिका बलर सोमपाल कामी सम्मिलित विनिपेग हक्स प्लेअफको नजिक पुगेको छ ।

मंगलबार भान्कुभर नाइट्ससँगको खेल वर्षाको कारण रद्द भएसँगै दुवै टोलीले १-१ अंक बाँडे । हक्सको प्लेअफ सम्भावना यस नतिजाले लगभग पक्का बनेको छ । नेपाली लेग स्पिनर सन्दीप लामिछाने सम्मिलित टोरन्टो नेसनल्स र मोन्टरियल टाइगर्सबीच आज राती हुने खेलमा जित-हार नतिजा आए हक्स प्लेअफमा पुग्नेछ । उक्त खेल वर्षाले रोकिएमा भने सोमपाल सम्मिलित हक्स बाहिरिनेछ ।

हक्स ६ खेलमा २ मा जित र ३ मा हारका सहित ५ अंक जोड्दै तेस्रो स्थानमा छ । त्यस्तै नाइट्स ६ खेलमा ३ जित, १ हार र २ अनिर्णित सहित ८ अंक जोड्दै दोस्रो स्थानमा छ । मोन्टरियलको ५ अंक र टोरन्टोको ४ अंक रहेको छ । शीर्षस्थानको ब्राम्प्टनको ९ अंक छ भने पुछारको एडमन्टनले ३ अंक जोडेको छ ।

सोमपालले एडमन्टन रोयल्सविरुद्ध डेब्यू गर्दै खराब प्रर्दशन गरेका थिए । सोमपालले ५ बलमा १ रन मात्रै बनाउन सके । बलिङतर्फ पनि २ ओभरमा ३३ खर्चदै खचेका थिए ।