5 years ago
August 4, 2019
भुपेन्द्र जिसी, काठमाडौं
नेपाल क्रिकेट संघ (क्यान) को निलम्बनले नेपाली क्रिकेट अभिभावकविहिन छ । यसले गर्दा नेपाली क्रिकेट नै अगाडि बढ्न सकिरहेको अवस्था छैन । अन्तर्राष्ट्रिय क्रिकेट परिषद (आईसीसी) र एसियाली क्रिकेट परिषद (एसीसी) को सहकार्यमा नेपालले अन्तर्राष्ट्रिय प्रतियोगितामा भने सहभागिता जनाइरहेको छ ।
केहि हदसम्म घरेलु क्रिकेटका लागि राष्ट्रिय खेलकुद परिषद (राखेप) ले पनि सहयोग गरेको छ । तर सबै यी पक्षका सहकार्य र सहयोग टोलीको हरेक पक्षमा जिम्मेवारीपूर्ण रुपमा अगाडि बढ्न भने गम्भीर देखिएका छैनन् । यसपटक उक्त चपेटामा नेपाली यू-१९ राष्ट्रिय क्रिकेट टोली परेको छ ।
एसीसी यू१९ एसिया कप अर्को महिना श्रीलंकामा हुँदैछ । प्रतियोगिता सुरु हुन एक महिना मात्र बाँकी रहँदा नेपालको प्रशिक्षण भने कहिलेदेखि सुरु हुने भन्ने निश्चित छैन । सेप्टेम्बर देखि १४ सम्म हुने उक्त प्रतियोगिताका लागि भारतले यू१९ टोली घोषणा गरिसकेको छ । अन्य टोली पनि अन्तिम टोली घोषणा गर्ने तयारीमा छन् । तर नेपालको प्रशिक्षण नै अन्यौलमा छ । प्रतियोगितामा भारत, पाकिस्तान, श्रीलंका, बंगलादेश, अफगानिस्तान, यूएई, नेपाल र कुवेत छन् ।
नेपाल अघिल्लो महिना मलेसियामा सम्पन्न एसीसी यू१९ इस्टर्न रिजनको च्याम्पियन बन्दै एसिया कपमा छनोट भएको हो । एसियन क्रिकेट काउन्सिल (एसीसी) ले बन्द प्रशिक्षणको लागि नेपाललाई स्वीकृति नपठाउँदा ढिलाई भएको यू१९ टोलीका प्रशिक्षक विनोद दासले हाम्रो खेलकुदलाई जानकारी दिए ।
‘हामी मंगलबारदेखि बन्द प्रशिक्षण गर्ने तयारीमा छौं । यसबारे सबै खेलाडीलाई जानकारी पनि दिइसकेका छौं । तर एसीसीले आजसम्म पनि स्वीकृति पठाएको छैन । स्विकृतीबिना प्रशिक्षण गर्न मिल्दैन,’ दासले भने । ‘आज वा भोली सम्म पठाउँछ की भन्नेमा आशावादी छौं । निरन्तर कुरा पनि भइरहेको छ । स्वीकृति आउन ढिला भए प्रशिक्षण पनि ढिला सुरु हुनेछ”,उनले भने ।
दासका अनुसार यसपटक १९ खेलाडीलाई टोली बन्द प्रशिक्षणमा बोलाईने छ । एसीसी यू१९ इस्टर्न रिजनका १५ र उक्त प्रतियोगिताका लागि वैकल्पिक सुचिमा रहेका ४ खेलाडीलाई प्रशिक्षणमा बोलाइने दासले जानकारी दिए । एसीसीले प्रशिक्षणको लागि १९ खेलाडीलाई मात्रै अनुमती दिएको दासले बताए ।
अभ्यासको लागि विदेशी टोलीसँग खेल्न राष्ट्रिय खेलकुद परिषद (राखेप)लाई पनि जानकारी दिएको दासले बताए । एसीसीको स्विकृतीपछि पुन: राखेपसँग विदेश अभ्यासको बारे कुरा गर्ने दासको योजना छ ।
January 27, 2025
काठमाडौं(हाम्रो खेलकुद) – नेपालको मध्यपश्चिम र भारतको लखनउ विश्वविद्यालयबीच जय नेपाल कप क्रिकेट प्रतियोगिताको उपाधिका लागि भिड्ने भएका छन्। सोमवार भएको दुवै सेमिफाइनल खेल जित्दै मध्यपश्चिम विश्वविद्यालय र लखनउले फाइनलमा स्थान बनाएका हुन् । पहिलो सेमिफाइनलमा लखनउले बंगलादेशको ढाका विश्वविद्यालयलाई ७ विकेटले पराजित गरेको थियो । कीर्तिपुरस्थित टियु मैदानमा ढाकाले दिएको १ सय ८० रनको […]
January 27, 2025
हिमाल खरेल, बिर्तामोड बर्खा स्मृति प्रतिष्ठान बुद्धशान्तिले आयोजना गरेको दोस्रो संस्करणको झापा जिल्ला अन्तरपालिका पुरुष टि–२० क्रिकेट प्रतियोगिताको क्वार्टरफाइनल समीकरण पूरा भएको छ । आज भएका दुई खेलपछि गौरादह र कचनकवलले क्वार्टर फाइनलमा स्थान सुरक्षित गरेका छन् । पहिलो खेलमा गौरादहले बुद्धशान्ति गाउँपालिकालाई २४ रनले पराजित गर्यो । टस हारेर पहिले ब्याटिङ गरेको गौरादहले निर्धारित […]
January 27, 2025
सुमन अधिकारी, बुटवल रुपन्देहीमा जारी ‘ए’ डिभिजन सुपरलिग क्रिकेट प्रतियोगितामा लुम्बिनी खुकुरी क्लबले प्रोफेसनल मास्टर्स–११ माथि जित निकालेको छ । लुम्बिनी खुकुरीले सोमवार प्रोफेसनललाई १ सय १८ रनको फराकिलो रनमा हराएको हो । भैरहवास्थित सिद्धार्थ क्रिकेट मैदानमा टस जितेर ब्याटिङ गरेको लुम्बिनी खुकुरीले निर्धारित ३० ओभरको खेलमा ५ विकेट गुमाएर १ सय ८५ रनको बलियो […]
