एजेन्सी – बंगलादेशसँगको तीन खेलको अोडीआई सिरिज घरेलु टोली श्रीलंकाले क्लिस्वीप गरेको छ । बुधबार तेस्रो तथा अन्तिम वान डे खेलमा बंगलादेशमाथी १ सय २२ रनको फराकिलो जित निकाल्दै श्रीलंकाले सिरिज ३-० ले जितेको हो ।

२ सय ९५ रनको विजयी लक्ष्य पछ्याएको बंगलादेश ३६ ओभरमा अल आउट हुँदै १ सय ७२ रनमा समेटियो । उसका लागि ताइजुल स्लाम २८ बलमा ५ चौका र १ छक्का सहित ३९ रनमा अविजित रहे ।
सौम्य सरकारले ८६ बलमा ५ चौका र १ छक्का सहित ६९ रनको योगदान दिएपनि टोलीको हार टार्न सकेनन् ।

विकेटकीपर मुश्फिकुर रहिम १०,ओपनर अनमुल हक १४ रन जोड्न बाहेक अन्यले राम्रो प्रर्दशन गर्न सकेनन् । श्रीलंकाका लागि दासुन शनाकाले सर्वाधिक ३ विकेट लिए । त्यस्तै कशुन रजिथा र लाहिरु कुमाराले समान २ विकेट हात पारे ।

त्यस अघि टस जितेर पहिला ब्याटिङ थालेको श्रीलंकाले निर्धारित ५० ओभरमा ८ विकेट गुमाउँदै २ सय ९४ रन बनाएको थियो । उसका लागि अनुभवी ब्याट्सम्यान एन्जिलो म्याथ्युजले ९० बलमा ८ चौका र १ छक्का सहित महत्वपूर्ण ८७ रनको योगदान दिए ।

त्यस्तै कुशल मेन्डिसले ५८ बलमा ५ चौका र १ छक्का सहित ५४,कप्तान दिमुथ करुणारत्ने ४६,कुशल परेरा ४२,दासुन शनाका ३० रनमा आउट भए । बंगलादेशका लागि शैफुल स्लाम र सौम्य सरकारको नाममा समान ३ विकेट रह्यो । रुवेल हसन र ताइजुल स्लामको नाममा समान १ विकेट रह्यो । श्रीलंका पहिलो खेलमा ९१ रन र दोस्रो खेलमा ७ विकेटले विजयी भएको थियो ।