सिंगापुर (हाम्रो खेलकुद) – नेपालले आईसीसी टी २० एसिया विश्वकप छनोट खेलमा सिंगापुरले प्रस्तुत गरेको विशाल लक्ष्य पछ्याइरहेको छ ।

सिंगापुरले प्रस्तुत गरेको १ सय ९२ रनको विशाल विजयी लक्ष्य पछ्याएको नेपालले सुरुवाती १२ ओभरमा ९१ रन बनाउँदा ६ विकेट गुमाएको छ । अहिले क्रिजमा दीपेन्द्रसिंह ऐरी १६ रनमा खेलि रहेका छन् ।

नेपालले चौथो ओभरको पहिलो बलमा कप्तान पारस खड्कालाई १२ रनमा गुमाएको थियो । अम्जाद महबुबको बलमा ठूलो सट खेल्ने धुनमा पारस सुरेन्द्रन चन्द्रमोहनबाट क्याच आउट हुनुअघि १० बलमा समान १ चौका र छक्का प्रहार गरे । सातौं ओभरको तेस्रो बलमा विजय कुमारले ज्ञानेन्द्र मल्ललाई ३९ रनमा बोल्ड आउट गरे । मल्लले २१ बलमा ४ चौका र ३ छक्का प्रहार गरे ।

८ औं ओभरको चौथो बलमा जनक प्रकाशले बाउन्डी लाइन नजिकै एक हातले उक्कृष्ट क्याच लिदै शरद भेषावकरलाई ७ रनमा क्याच आउट गरेपछि नेपाल संकटमा परेको थियो । नवौं ओभरको तेस्रो बलमा विजयकुमारले रोहित कुमार पौडेललाई कट विहाइन्ड गर्दै ५ रनमा आउट गरेपछि नेपाल ६७-४ को कमजोर अवस्थामा पुगेको थियो ।

नेपालले ११ औं ओभरमा विनोद भण्डारीलाई ९ र करण केसीलाई शुन्यमा गुमाएपछि अघिल्लो चरणको संभावना टाढिएको छ । दुबै विजय कुमारको बलमा ठूलो सट खेल्ने धुनमा आउट भएका हुन् । सिंगापुरका लागि विजय कुमारले ४ विकेट लिई सकेका छन् ।