सिंगापुर (हाम्रो खेलकुद) – आईसीसी टि-२० विश्वकप एसिया क्षेत्र छनोट अन्तर्गत आफ्नो अन्तिम तथा निर्णायक खेलमा नेपालले सिंगापुरविरुद्ध पहिला फिल्डिङ गर्ने भएको छ ।

भर्खर सम्पन्न टसमा सिंगापुरले टस जितेर ब्याटिङ गर्ने निर्णय लिएको हो । नेपालले आजको खेलमा कुनै खेलाडी परिवर्तन गरेको छैन । कुवेतसँगको टोलीनै मैदान उतारेको छ ।

नेपालको प्लेइङ ११ :
१. पारस खड्का (कप्तान)
२. ज्ञानेन्द्र मल्ल
३. शरद भेषावकर
४. वसन्त रेग्मी
५. सोमपाल कामी
६. अभिनास बोहोरा
७. सन्दीप लामिछाने
८. दीपेन्द्रसिंह ऐरी
९. विनोद भण्डारी
१०. करण केसी
११. रोहितकुमार पौडेल

आजको विजेता टोली आगमी अक्टोबरमा यूएईमा हुने ग्लोबल छनोटमा स्थान बनाउने छ । नेपाल पराजित भए वा वर्षाको कारण अंक बाँड्नु परे विश्वकप खेल्ने सपना समाप्त हुने छ ।

सिंगापुर ३ खेलमा २ मा जित सहित ५ अंक जोड्दै शीर्ष स्थानमा छ । वर्षाको कारण कुवेतसँग सिंगापुरले अंक बाडेंको थियो । नेपाल तीन खेलमा २ मा जित र १ मा हारका साथ ४ अंक जोड्दै दोस्रो स्थानमा रहेको छ ।

गतवर्ष मलेसियामा सम्पन्न एसिया क्वालिफायर बी को फाईनलमा पनि वर्षाको कारण नेपाल र सिंगापुरबीचको खेल रद्ध हुन पुगेको थियो । तर नेपाललाई उक्त रद्धले कुनै असर गरेन । नेपाल रन रेटका आधारमा च्याम्पियन बनेको थियो । नेपाल र सिंगापुरबीचको खेल दुबैको लागि फाईनल सरह हुने छ ।