सिंगापुर (हाम्रो खेलकुद) – नेपालले आईसीसी टी २० एसिया विश्वकप छनोट खेलमा शनिबार कुवेतलाई ७ विकेटले पराजित गर्दै ग्लोबल छनोट नजिक पुगेको छ । आईतबार सिंगापुरलाई हराउन सके नेपाल ग्लोबल छनोटमा प्रवेश गर्नेछ ।

कुवेतविरुद्ध १ सय ४२ रनको विजयी लक्ष्य पछ्याएको नेपालले १५.५ ओभरमा ३ विकेटको क्षतिमा पुरा गर्यो । नेपालले पुरा गरेको टी २० आईमा हालसम्मकै उच्च योगफल समेत हो । त्यस्तै नेपालले लक्ष्य पछ्याउने क्रममा सर्वाधिक छिटो पनि पुरा गरेको हो । नेपालले सहज जित दिलाउन यी ४ खेलाडीको प्रर्दशन महत्वपूर्ण रह्यो ।

४. शरद भेषावकर

नेपालको सहज जितमा भरपर्दा ब्याट्सम्यान शरद भेषावकरले उत्कृष्ट फिनिसिङ गरे । छक्का प्रहार गर्दै टोलीका जित पक्का गरेका शरदले पारसलाई राम्रो साथ दिदा नेपालले कुनै पनि समय रनमा संघर्ष गुर्न परेन । चौथो ओभरको पाँचौ बलमा ओपनर ज्ञोनेन्द्र मल्ल १९ रनमा क्याच आउट भएपछि तेस्रो नम्बरमा ब्याटिङ गर्न मैदान छिरेका शरदले परिपक्क ब्याटिङ गर्दै पुन उत्कृष्ट फिनिसर रहेको सिद्ध गरे ।

पारससँग दोस्रो विकेटका लागि ७८ रनको कीर्तिमानी साझेदारी गर्दै नेपालको सहज जित पक्का गरेका उनले ३० बलमा ४ चौका र १ छक्का प्रहार गर्दै ३८ रनमा अविजित रहे । मलेसियासँगको खेलमा खराव प्रर्दशन गरेको मध्यक्रमले आजको खेलमा भने शरदले कमजोर अनुभव गर्न दिएनन् । शरदले उत्कृष्ट फिनिसिङ गर्दै २५ बल अगाडीनै जित पक्का गरे ।

३. वसन्त रेग्मी

नेपालको सहज जितमा अनुभवी स्पिनर वसन्त रेग्मीको प्रर्दशन महत्वपूर्ण रह्यो । वसन्तले कुवेतका तीन प्रमुख ब्याट्सम्यानलाई सस्तैमा पेभिलिएन फर्काएका थिए । वसन्तले छैटौ ओभरको पहिलो बलमा रभिजा डी शिल्भालाई १५ रनमा बोल्ड आउट गरे । डी शिल्भा कुवेतबाट टी २० मा सर्वाधिक रन बनाउने र शतक प्रहार गर्ने खेलाडी हुन् । उनको विकेटपतनसँगै कुवेत केहि दबाबमा परेको थियो । वसन्तले लगत्तै यसै ओभरको अन्तिम बलमा २५ रन बनाई खेली रहेका अर्का प्रमुख खेलाडी आदनान आर्डिसलाई क्याच आउट गराएपछि नेपाल खेलमा फर्किएको थियो ।

त्यस्तै वसन्तले १७ ओभरको अन्तिम बलमा तल्लोक्रमका ब्याट्सम्यान मोहम्मद अहसानलाई ४ रनमा क्याच आउट गराए । वसन्तले लिएका तीनै ब्याट्सम्यान जसले ठूलो योगफल बनाउदै टोलीको सहज जित पक्का गर्न सक्ने क्षमता राख्दथे । तर वसन्तले निराश बनाईदिए । जसको कारण कुवेत विशाल योगफल बनाउन चुकेको थियो । उत्कृष्ट प्रर्दशन गरेका उनले ४ ओभरमा २० रन खर्चेर ३ विकेट लिए ।

२. सन्दीप लामिछाने

नेपालको जितमा युवा लेग स्पिनर सन्दीप लामिछानेको प्रर्दशन पनि महत्वपूर्ण रह्यो । सन्दीपले कुवेतको मध्यक्रम धरासय बनाउदै ठूलो योगफलबाट रोकेका थिए । सन्दीपले नवौं ओभरको तेस्रो बलमा विलाल ताहिर र दुईबलपछि उस्मान अहीदलाई आउट गर्दै कुवेतलाई संकटमा पारे । यी दुबै कुवेतका मध्यक्रममा भरपर्दा ब्याट्सम्यान हुन् ।

उस्मान शून्य र बिलाल १३ रनमा आउट भए । त्यस्तै सन्दीपले तल्लोक्रमका शिराज खानलाई पनि शुन्यमा बोल्ड आउट गर्दै कुवेतलाई सस्तैमा रोक्न महत्वपूर्ण योगदान दिए । सन्दीपले ४ ओभरमा २१ रन खर्चेर ३ विकेट लिए
।

१. पारस खड्का

नेपालको जितमा कप्तान पारस खड्का नायक बने । सुरुवात देखीनै खुलेर खेलेका पारस १४ ओभरको पहिलो बलमा क्याच आउट हुनुअघि ४२ बलमा ११ चौका र १ छक्का सहित ६८ रनको महत्वपूर्ण योगदान दिए । पारसको उत्कृष्ट प्रर्दशनमा नेपालले २५ बल अगाडीनै जित पक्का गर्यो । पारसले कुनै पनि समय कुवेतका बलरलाई हाबी हुन दिएनन् ।

यसको फाइदा शरदले पनि उठाउँदै सहज जित पक्का गरेका थिए । पारसले शरदसँग दोस्रो विकेटका लागि ७८ रनको कीर्तिमानी साझेदारी समेत गरेका थिए । नेपालको जितमा नायक बनेका पारस म्यान अफ द म्याच घोषित भए ।