सुबास हुमागाईं, सिंगापुर

आईसीसी टि-२० विश्वकप एसिया क्षेत्र छनोट अन्तर्गत आफ्नो दोस्रो खेलमा नेपालले मलेसियाको सामना गर्दैछ । वर्षाका कारण रोकिएको खेल वर्षा रोकिएसँगै सुरु हुने सम्भावना बढेको छ ।

नेपाल र मलेसिया दुबै टोली अभ्यासको लागि मैदानमा उत्रेने तरखरमा छन् । कभर हटाईएको छ । अम्पार पनि मैदान उत्रेका छन् । खेल सुरुहुने संभावना उच्च रहेको छ । खेल १५ ओभरको हुन सक्ने बुझिएको छ । यद्यपी आधिकारीका जानकारी भने आएको छैन ।

त्यस्तै वर्षा रोकिएपछि टोलीका कप्तान पारस खड्का खेल्ने सम्भावना रहेको छ । यसअघि अम्पायरसँग छलफलमा ज्ञानेन्द्र मल्ल गएपनि पारसले खेल्ने सम्भावना रहेको स्रोतले जानकारी दिएको छ । पारसले निरन्तर फिजियोसँग उपचार गराएको र उनको चोट गम्भीर नरहेका कारण छोटो ओभरको खेल हुने भएपछि उनले खेल्ने सम्भावना बढेको हो ।

पारस मंगलबार कतारसँगको खेलमा ढाडमा समस्या आएपछि दोस्रो इनिङमा बाहिर बसेका थिए । उनको स्थानमा दोस्रो इनिङमा पवन सर्राफले पूरै समय फिल्डिङ गरेका थिए । पारसले आजको खेल गुमाउदा खण्डमा बिहीबार र शुक्रबार पनि विश्राम लिनेछन् । नेपालले अन्तिम दुई खेल शनिबार र आइतबार आयोजक सिंगापुर र कुवेतसँग खेल्नेछ ।

मौसम पूर्वानुमानका अनुसार स्थानीय समय २ बजेसम्म वर्षा हुने उल्लेख गरिएको छ । नेपालको खेल सुरु हुन कम्तिमा ११:५७ बजे खेल सुरु हुनु पर्नेछ । नेपाली समय ९:४२ सम्म सुरु हुनुपर्ने नेपाली टोलीले खेलअघि वार्मअप गरेपनि टस हुने निर्धारित समयभन्दा १० मिनेट अगाडिबाट वर्षा सुरु भएको थियो ।

नेपाललाई अर्को चरणमा पुग्न आजको लागि जित्नै पर्ने हुन्छ । वर्षाले मलेसियाविरुद्ध खेल रद्द भएको अवस्थामा नेपाल अर्को चरण पुग्ने अंक गणितीय सम्भावना मात्र रहनेछ । अघिल्लो दिन कतारसँग ४ विकेटले पराजित हुनुको नतिजा नेपालको लागि भारि हुने भएको छ । आजको खेल रद्द भए मलेसियाले बाँकी खेलमा कम्तिमा एक हार भोगे मात्र नेपाल अगाडी बढ्नेछ ।