एजेन्सी – एकदिवसिय विश्वकप २०१९ फाइनलमा न्युजिल्यान्डले घरेलु टोली इंग्ल्यान्डविरुद्ध पहिला ब्याटिङ गर्ने भएको छ ।

भर्खर लर्डसमा सम्पन्न टस जितेर न्युजिल्यान्डका कप्तान केन विलियमसनले पहिला ब्याटिङ गर्ने निर्णय लिएको हुन् । इंग्ल्यान्ड र न्युजिल्यान्ड दुबैले सेमिफाइनलको खेलाडी मैदान उतारेका छन् । अर्थात दुबै देशले कुनै खेलाडी परिवर्तन गरेका छनैनन् ।

इंग्ल्यान्डको टोली : जोसन रोय,जोनी बेयरस्टो,जो रुट,इओम मोर्गन९कप्तान०,बेन स्टोक्स,जस बटलर,क्रिस वोक्स,लियाम प्लन्केट,जोफ्रा आर्चर,आदिल राशिद,मार्क उड ।

न्युजिल्यान्डको टोली : मार्टिन गुप्टिल, हेनरी निकोलस, केन विलियमसन(कप्तान), रोश टेलर, टम लेथम, जेम्स निशम, कोलिन डी ग्राण्ड होम, मिचेल सान्टनार, लोकी फर्गुसन, म्याट हेनरी र टेन्ट बोल्ट

सन् १९७९, १९८७ र १९९२ को फाइनलमा पराजित हुँदै तीन पटक उप विजेतामा निराश बनेको इंग्ल्यान्ड यस पटक भने च्याम्पियन बन्न चाहान्छ । तेस्रो स्थानमा रहेर सेमिफाइनल खेलेको घरेलु टोली इंग्ल्यान्डले पाँच पटकको विजेता अष्टेलियालाई सेमिफाइनलमा ८ विकेटले पराजित गर्दै फाइनलमा स्थान बनाएको थियो ।

यता चौथो स्थानमा रहेर सेमिफाइनल खेलेको न्युजिल्यान्डले उपाधिको प्रमुख दाबेदार भारतलाई १८ रनले पराजित गर्दै फाइनलमा लगातार दोस्रो पटक प्रवेश गरेको हो ।

विश्वकपमा न्युजिल्यान्ड र इंग्ल्यान्डबीच ९ खेल भएको छ । जसमा न्युजिल्यान्ड ५ खेलमा विजयी हुँदा ४ खेलमा पराजित भएको छ । त्यस्तै यी दुईदेशबीच कुल ८९ वान डे खेल भएको छ । जसमा न्युजिल्यान्ड ४३ खेलमा विजयी हुँदा ४० खेलमा पराजित भएको छ । २ खेल बराबरीमा सकिदा ४ खेलको नतिजा बिहीन छ ।