राशिद बने अफगानिस्तानको तीनै फ्रम्यार्टको कप्तान

एजेन्सी – एक दिवसिय विश्वकप २०१९ मा लज्जास्पद प्रर्दशनसँगै अफगानिस्तान क्रिकेट बोर्डले गुलवदीन नाइबलाई कप्तानबाट हटाएको छ । शुक्रबार नाइबलाई हटाउदै २० वर्षिय युवा लेग स्पिनर राशिद खानलाई तीनै फ्रम्यार्टको कप्तानमा नियुक्त गरेको जनाएको छ ।

दुई महिना अघि अफगानिस्तानले अस्गर अफगानलाई तीनै फ्रम्यार्टको कप्तानीबाट हटाउँदै राशिदलाई टी ट्वान्टी,रामत शाहलाई टेष्ट र गुलबदीनलाई वान डे को लागि कप्तान नियुक्त गरेको थियो ।

तर विश्वकपको खराब प्रर्दशनपछि अफगानिस्तान क्रिकेट बोर्डले टेष्ट,वान डे र टी ट्वान्टी तीनै फ्रम्यार्टको लागि राशिदलाई कप्तान बनाएको छ । उप कप्तानको जिम्मेवारी पुर्व कप्तान अस्गर अफगानलाई सुम्पिएको छ ।

गुलबदीनको कप्तानीमा अफगानिस्तानले विश्वकपमा सबै ९ खेलमा हार ब्यहोर्दै पुछारमा रहेर अन्त्य गरेपछि उनको चर्को आलोचना भएको थियो । राशिदले यस अघिनै अफगानिस्तानको लागि वान डे क्रिकेटको लागि कप्तानी गरि सकेका छन् ।

राशिदले गत वर्ष जिम्मबाबेमा भएको एक दिवसिय विश्वकप छनोटमा अफगानिस्तानको कप्तानी समालेका थिए ।