काठमाडौं (हाम्रो खेलकुद)- एक्सन स्पोर्टस एचडिको आयोजनामा मंगलबारदेखि काठमाडौंमा सुरु भएको मगमग क्रिकेट मेनिया २०१९ इन्डोर मिडिया कप प्रतियोगितामा नेपाल खेलकुद पत्रकार मन्च (एनएसजेएफ), सुबीसु केवलनेट र नयाँ पत्रिका दैनिकले दोहोरो जित दर्ता गरेका छन् ।

एनएसजेएफले पहिलो दिन एपीवान एचडी र द हिमालयन्स टाइम्सलाई हराएको हो । प्रतियोगिताको उद्धघाटन खेलमा एपिवन टिभीले मेरो टिभीलाई ४ विकेटले पराजित गर्यो । दोस्रो खेलमा सुवीसु केवल नेटले द हिमालयन टाइम्सलाई ३२ रनले पराजित गर्यो । डिसहोम मिडीया ग्रुपले आयोजक टिम एक्सन स्पोर्टसलाई २७ रनले पराजित गर्यो।

चौथो खेलमा एनएसजेएफले एपिवन एचडिलाई २४ रनले पराजित गर्यो । मेरो टिभीलाई ३९ रनले हराउँदै सुबीसु समूह ‘ए’ को शीर्षस्थानमा रहेको छ । नयाँ पत्रिका रेडियो नागरिकलाई २२ रनले पराजित गर्यो । एनएसजेएफले हिमालयन टाइम्समाथी २० रनले पराजित गर्दै लगातार दोस्रो जित हात पार्यो । नयाँ पत्रिकाले आयोजक एक्सन स्पोर्टसलाई ५ विकेटले पराजित गर्यो ।

बुधबार सम्म चल्ने प्रतियोगिताको विजेताले एक लाख र उप विजेताले ५० हजार पाउने छन् । समुह ए मा एनएसजेएफ,सुबिसु केवल नेट,द हिमालयन्स टाइम्स,मेरो टिभी र एपीवान एचडी रहेका छन् । त्यस्तै समुह बीमा रेडियो नागरिक,नयाँ पत्रिका, एक्सन स्पोट्स, डिस होम र सगरमाथा टिभी रहेका छन् । दुबै समुहका शीर्ष टोली उपाधिको लागि भिड्ने छन् ।