नेपालको सानदार सुरुवात

काठमाडौं (हाम्रो खेलकुद) – नेपालले एसीसी यू१९ इस्टर्न रिजनको सेमिफाइनल खेलमा घरेलु टोली मलेसियाविरुद्ध उत्कृष्ट प्रर्दशन जारी राखेको छ ।

किनारारा ओभल क्रिकेट मैदानमा टस हारेर ब्याटिङ गरि रहेको मलेसियाले २२ ओभरसम्म ५५ रन बनाउन ५ विकेट गुमाएको छ।पहिलो ओभरको पाँचौ बलमा कमलसिंह ऐरीले स्लीपमा ओपनर अस्लाम खान मलिकलाई पवन सरार्फबाट शुन्यमा क्याच आउट गराउँदै पहिलो सफलता दिलाए ।

दोस्रो विकेटका लागि मोहम्मद आमिर र वान अमीरुलले ३७ रनको साझेदारी गरे । १२ ओभरको अन्तिम बलमा कुशल मल्लले आमिरलाई २४ रनमा बोल्ड आउट गर्दै तोडे । उनले ३२ बलमा ३ चौका प्रहार गरे । सागर ढकालले १५ ओभरको दोस्रो बलमा विश्वरुवेन कुमारलाई आफैं क्याच लिदै ३ रनमा पेभिलिएन फर्काए ।

१७ ओभरको पहिलो बलमा सागरले ओेपनर वान इमीरुललाई ११ रनमा पेभिलिएन फर्काए । उनले ४६ बललमा १ चौका प्रहार गरे । त्यस्तै विजय उन्नी १ रनमा रन आउट भएका छन् ।