काठमाडौं (हाम्रो खेलकुद) – नेपाली यू-१९ टोलीका कप्तान रोहित कुमार पौडेलले एसीसी यू१९ इस्टर्न रिजनको सेमिफाइनल खेलको पूर्वसन्ध्यामा घरेलु टोली मलेसियाविरुद्ध उत्कृष्ट टोली मैदान उतार्ने बताएका छन् ।

‘चीन र सिंगापुरको खेलमा गरि सबैलाई मौका दिइसकेका छौं,त्यसैले कुनै जोखिम लिन चाहादैनौ र उत्कृष्ट टोली मैदान उतार्ने छौं’,रोहितले भने । नेपालले चीनसँगको खेलमा तीब्र गतिका बलर राशिद खान,अलराउण्डर कुशल मल्ल र विशाल केसीलाई विश्राम दिएको थियो । दोस्रो खेलमा सिंगापुरविरुद्ध राशिद,कुशल र विशाललाई मौका दिँदा प्रतिस जिसी, कमलसिंह ऐरी र लोकेश बहादुर बमलाई विश्राम दिएको थियो ।

रोहित मलेसिया चीन र सिंगापुरभन्दा केहि बलियो रहेको बताउछन् । रोहितले मैदानमा गएर पीच हेरेपछि उत्कृष्ट ११ मैदान उतार्ने बताए । आइतबार वर्षाको कारण नेपालले कुनै अभ्यास गरेन । सोमबार पनि वर्षाको सभवना रहेको बुझिएको छ ।

नेपालले सोमबार विहान ७ : ४५ पछि किनारारा ओभल क्रिकेट मलेसियासँग सेमिफाइनल खेल्ने छ । त्यस्तै अर्को सेमिफाइनलमा हङकङ र सिंगापुर भिड्ने छन् । हङकङ समुह बी को विजेता र घरेलु टोली मलेसिया उप विजेता हो । नेपाल समुह ए को विजता र सिंगापुर उप विजेता हुन् ।

नेपालले समुह चरणमा चीनलाई १० विकेट र सिंगापुरलाई २ सय १७ रनले पराजित गरेको थियो । मलेसियाले समुह चरणमा भुटानलाई २ सय ६० रनले पराजित गर्दा थाईल्यान्डमाथि १६ रनको जित निकालेको थियो । समुह चरणको अन्तिम खेलमा हङकङसँग ३ रनले पराजित हुँदा उप विजता बन्नु परेको हो । नेपालले मलेसियामाथि निरन्तर जित निकाल्दै आएको छ । फाइनल मंगलबार किनारारा ओभल क्रिकेट मैदानमै हुने । नेपाललाई यस प्रतियोगिताको प्रमुख दाबेदारी टोली मानिएको छ ।

यस प्रतियोगिताको विजेता टोलीले २८ अगस्ट देखी ८ सेप्टेम्बरसम्म श्रीलंकामा हुने एसिया कप खेल्न पाउने छ । यस प्रतियोगिताको विजेतासँगै भारत, पाकिस्तान, बंगलादेश, अफगानिस्तान, यूएई र कुवेतले एसिया कपमा प्रतिस्पर्धा गर्ने छन् ।