करणलाई रेड रकको प्रायोजन

काठमाडौं (हाम्रो खेलकुद) – नेपाली राष्ट्रिय क्रिकेट टोलीका तीब्र गतिका बलर करण केसीलाई भारतीय रेड रक स्पोर्ट्स कम्पनिले एक वर्षको लागि प्रायोजन गर्ने भएको छ ।

शनिबार काठमाडौंमा एक कार्यक्रम गर्दै रेड रकले करणलाई एक वर्षको लागि प्रायोजन गरेको जनाएको छ । प्रायोजन वापत करणलाई एक वर्ष सम्म रेड रकले क्रिकेट सामग्री उपलब्ध गराउने छ । रेड रकले गत वर्ष युवा खेलाडी भिम सार्कीलाई तीन वर्षका लागि प्रायोजन गरेको थियो । रेड रकको स्थापना सन् २००७ मा भएको हो । हरियाणा पुर्व रणजी टर्फि खेली सकेका मनिष शंकरको पहलमा यो प्रायोजन भएको बताइएको छ ।

सम्झौता कार्यक्रममा कप्तान पारस खड्का पनि उपस्थित थिए । प्रायोजन पछि करण केसीले आफु धेरै खुसि रहेको बताए । रेड रकले भारतीय टिमका पुर्व कप्तान सचिन तेन्दुलकर,महेन्द्रसिंह धोनी,युवराज सिंह,विरेन्द्र सहवाग,रविन उथप्पा लगातका विश्वप्रसिद्ध भारतीय क्रिकेटरलाई पनि प्रायोजन गरेको थियो । गत वर्ष डिभिजन २ मा क्यानडाविरुद्ध गरेको अविश्वसिनय प्रर्दशनले करणलाई चर्चाको शिखरमा पुर्याएको छ ।