एजेन्सी – एकदिवसिय विश्वकप क्रिकेट प्रतियोगितामा आज लिग चरणको अन्तिम खेलमा अष्ट्रेलियाले दक्षिण अफ्रिका विरुद्ध पहिला फिल्डिङ गर्ने भएको छ । म्यानचेस्टरमा दक्षिण अफ्रिकाले टस जितेर पहिला ब्याटिङ गर्ने निर्णय लिएको हो ।

अष्ट्रेलियाको प्लेइङ ११ : डेविड वार्नर, आरोन फिन्च(कप्तान), उस्मान खवाजा, स्टिभ स्मिथ, ग्लेन म्याक्सवेल, मार्कस स्टोइनिस, एलेक्स केरि, प्याट कमिन्स, मिचेल स्टार्क, जेसन बेहरनडर्फ र नाथन लायन

दक्षिण अफ्रिकाको प्लेइङ ११ : क्विन्टन डी कक, एडेन मार्कराम, फाफ डु प्लेसिस(कप्तान), रस्सि भान डर दुसेन, जेपी ड्युमिनी, ड्विन प्रिटोरियस, एन्डिलो फेलुक्वायो, क्रिस मोरिस, कागिसो रबाडा, इमरान ताहिर, तबरेज शाम्सी ।

अष्ट्रेलिया आजको खेलमा विजयी भए शीर्षस्थानमा रहँदै चौथो स्थानमा रहेको न्युजिल्यान्डसँग सेमिफाइनल खेल्ने छ । त्यस्तै अष्ट्रेलिया विजयी भए भारत र इंग्ल्यान्डले सेमिफाइनलमा प्रतिस्पर्धा गर्नेछन् । अष्ट्रेलिया आजको खेलमा पराजित भएर उता भारतले श्रीलंकालाई पराजित गरेको अवस्थामा भने सेमिफाइनलमा तेस्रो स्थानमा रहेको इंग्ल्यान्डसँग खेल्नुपर्ने हुन्छ ।

इंग्ल्यान्डभन्दा न्युजिल्यान्ड तुलनात्मक रुपमा केहि कमजोर देखिन्छ । त्यसैले अष्ट्रेलियालाई शीर्ष स्थानमा रहँदै न्युजिल्यान्डसँग सेमिफाइन खेल्ने अवसर छ । अष्ट्रेलिया ८ खेलमा ७ मा जित र १ मा हारका साथ १४ अंक जोड्दै शीर्ष स्थानमा छ ।

यता दक्षिण अफ्रिका प्रतियोगिताबाटै बाहिरिसकेको छ । अफ्रिका पनि सुखद अन्त्य गर्न चाहन्छ । दक्षिण अफ्रिका ८ खेलमा २ मा जित र ५ मा हारका साथ आठौं स्थानमा छ ।

विश्वकपमा अष्ट्रेलिया र दक्षिण अफ्रिकाबीच ५ खेल भएको छ । जसमा अष्ट्रेलिया ३ खेलमा विजयी हुँदा १ खेलमा पराजित भए । १ खेल नतिजाविहिन छ । यी दुई देशबीच कुल ९९ वान डे खेल भएको छ । जसमा अष्ट्रेलिया ४८ खेलमा विजयी हुँदा ४७ खेलमा पराजित भएको छ । ४ खेल नतिजाविहिन छ ।