एजेन्सी – मलेसियामा जारी एसीसी यू१९ इस्टर्न रिजन क्रिकेट प्रतियोगिता नेपालले दोस्रो खेलमा सिंगापुरविरुद्द पहिला ब्याटिङ गर्ने भएको छ ।

किनारारा ओभल क्रिकेट मैदानमा सम्पन्न टसमा नेपालले जितेर पहिला ब्याटिङ गर्ने निर्णय लिएको छ । नेपालले आजको खेलमा तीन खेलाडी परिवर्तन गरेको छ । चीनसँगको खेलमा विश्राम दिएका अलराउण्डर कुशल मल्ल,विशाल बिक्रम केसी र तीब्र गतिका बलर राशिद खानलाई मौका दिएको छ । चीनसँगको खेलमा मौका पाएका प्रतिस जिसी,कमलसिंह ऐरी र लोकेश बहादुर बमलाई बिश्राम दिएको छ । यू१६ टोलीका कप्तान समेत रहेका विशालको यू१९ मा यो डेब्यू खेल हो ।

नेपाल र सिंगापुर दुबै सेमिफाइनलमा प्रवेश गरि सकेका छन् । नेपालले पहिलो खेलमा चीनलाई १० विकेटले हराएको थियो । त्यस्तै सिंगापुरले पनि चीनलाई ८ विकेटले पराजित गरेको थियो । समुह ए मा रहेको म्यानमारले आफ्नो नाम फिर्ता लिएपछि नेपाल र सिंगापुरलाई सेमिफाइनलको लागि एकै खेलको जित प्राप्त बनेको हो ।

चीन भने दुबै खेलमा लज्जास्पद हारका साथ बाहिरिएको छ । तुलनात्मक रुपमा निकै कमजोर सिंगापुरमाथि नेपाल फराकिलो जित निकाल्ने सोचमा छ । नेपाल र सिंगापुरबीचको नतिजाले समुह विजेता र उप विजेताको निर्णारण गर्ने छ ।

नेपालको प्लेइङ ११ :
१.रोहित कुमार पौडेल (कप्तान)
२.पवन सरार्फ
३.राशिद खान
४.रित गौतम
५.हरि बहादुर चौहान
६.विशाल बिक्रम केसी
७.तिलक भण्डारी
८.भिम सार्की
९.कुशल मल्ल
१०.सागर ढकाल
११.खडक बहादुर बोहरा

यो पनि : बाबु-छोराको ‘विशाल’ सपना