एजेन्सी – एकदिवसिय विश्वकप क्रिकेट प्रतियोगिता अन्तर्गत मंगलबार घरेलु टोली इंग्ल्यान्ड र अष्ट्रेलिया भिड्दै छन् । खेल नेपाली समय अनुसार दिउँसो ३:१५ पछि लर्ड्स क्रिकेट मैदानमा सुरुहुने छ । ६ खेलमा ४ मा जित र २ मा हारका साथ चौथो स्थानमा रहेको इंग्ल्यान्डलाई शीर्ष चारमा रहेर सेमिफाइनल खेल्न आज जित्नै पर्ने दबाब छ ।

अष्टे«लिया ६ खेलमा ५ मा जित र १ मा हारका साथ १० अंक बटुल्दै दोस्रो स्थानमा छ । आजको खेलमा विजयी भए अष्टे«लिया शीर्ष स्थानमा उक्लिने छ । उपाधिका दुई दाबेदार इंग्ल्यान्ड र अष्टे«लियाबीचको खेल रोचक र कडा प्रतिस्पर्धा हुने अनुमान गरिएको छ । आजको खेलमा प्रभाव पार्न सक्ने २ खेलाडी :

जस बटलर (इंग्ल्यान्ड)

इंग्ल्यान्डका विकेटकीपर जस बटलर विश्फोटक ब्याटिङ गर्दै टोलीको जित सहज बनाउन सक्छन् । ठूला ठूला शटका लागि माहिर बटलरले थुप्रै पटक आफ्नो उत्कृष्ट प्रर्दशनमा टोलीलाई सहज जित दिलाएका छन् ।

इंग्ल्यान्डको तल्लोक्रमका भरपर्दा ब्याट्सम्यानको छवि बनाएका बटलरले जारी विश्वकपमा पनि उत्कृष्ट प्रर्दशन गरेका छन् । बटलरले पाकिस्तानविरुद्ध १ सय ३ रनको उत्कृष्ट शतकीय इनिङ खेल्दा बंगलादेशसँग ६४ रन जोडेका थिए । अन्य खेलमा भने बटलरले ठूलो इनिङ खेल्न सकेका छैनन् ।

गत वर्ष जनवरीमा भएको अष्टे«लियासँगको पाँच वान डे खेलमा बटलरले क्रमश : ९,९१,५४,११० रन जोडेका थिए । बटलर तीब्र गतिको बलर सामु खुलेर खेल्ने गर्दछन् । अष्टे«लियाको तीब्र गतिका बलर सामु बटलर आजको खेलमा पनि उत्कृष्ट प्रर्दशन गर्न सक्छन् ।

मिचेल स्टार्क (अष्ट्रेलिया)

तीब्र गतिका बलर मिचेल स्टार्कले आफ्नो उत्कृष्ट प्रर्दशनमा टोलीको सहज जित हात पार्न सक्छ । स्टार्कले जारी विश्वकपमा पनि उत्कृष्ट प्रर्दशन गरेका छन् । स्टार्कले ६ खेलमा १५ विकेट लिई सकेका छन् । स्टार्कले अफगानिस्तानसँगको खेलमा १,वेस्ट इन्डिजविरुद्ध ५,भारतसँग १,पाकिस्तानसँग २,श्रीलंकासँग ४ र बंगलादेशसँगको खेलमा २ विकेट लिएका थिए ।

इंग्ल्यान्डलाई हराउँन श्रीलंका तीब्र गतिका बलर लाथिस मलिङ््गाले ४ विकेट लिदै सहज जित पक्का गरेका थिए । स्टार्कले पावर प्ले र डेर्थ ओभरमा उत्कृष्ट प्रर्दशन गर्ने स्टार्क आजको खेलमा इंग्ल्यान्डलाई घातक बन्न सक्छन् ।