एजेन्सी – एकदिवसिय विश्वकप क्रिकेट प्रतियोगिता अन्तर्गत सोमबारको खेलमा अफगानिस्तानले बंगलादेशविरुद्ध पहिला फिल्डिङ गर्ने भएको छ ।

साउथह्याप्टनमा भर्खर सम्पन्न टसमा अफगानिस्तानले जितेर पहिला फिल्डिङ गर्ने निर्णय लिएको हो । अफगानिस्तान र बंगलादेश दुबैले आजको खेलमा दुई दुई खेलाडी परिवर्तन गरेका छन् । अफ्तव आलम र हज्रतुल्लाह जजाईको स्थानमा समिउल्लाह शिनवारी र दवालत जदरानलाई मौका दिएको छ । रुवेल हसन र शब्बिर रहमानको स्थानमा आज मोहम्मद सैफुदीन र मोसाद्देक हसनलाई मौका दिएको छ ।

अफगानिस्तानको प्लेइङ ११ : रहमत शाह,समिउल्लाह शिनवारी , नजिवुल्लाह, हशमतुल्ला शाहीदि, अस्गर अफगान, मोहम्मद नाबी, इकराम अलिखिल, गुवदीन नाइब(कप्तान), राशिद खान, मुजिव उर रहमान, दवालत जदरान

बंगलादेशको प्लेइङ ११ : तामिम इकवाल,सौम्य सरकार,सकिब अल हसन,मुश्फिकुर रहिम,लिटन दास,महमदुल्लाह,मोहम्मद सैफुद्दीन ,मेहदी हसन मिराज,मशरर्फे मोर्तजा(कप्तान) मोसादेक हसन, मुस्ताफिजुर रहमान ।

सुरुवाती ६ खेलमानै पराजित हुँदै प्रतियोगिताबाट बाहिरि सकेको अफगानिस्तानको लागि आजको खेल प्रतिष्ठाको लडाईमात्र हुने छ । अंक बिहीन अफगानिस्तान पहिलो जितको खोजिमा छ ।

६ खेलमा २ मा जित र ३ मा हारका साथ ५ अंक बटुल्दै छैटौं स्थानमा रहेको बंगलादेशलाई भने आजको खेल जित्नै पर्ने दबाब छ । आजको खेलमा विजयी भए शीर्ष चारमा रहेर सेमिफाइनल खेल्ने आसा कायमै राख्ने छ । आजको खेलमा पराजित भए बंगलादेशको पनि सेमिफाइनल खेल्ने संभावना लगभग समाप्त हुने छ ।

भारतलाई कडा टक्कर दिएको अफगानिस्तानको मनोबल पनि उच्च रहने छ । प्रतियोगिताबाट बाहिरि सकेको अफगानिस्तान बिना दबाब मैदान उत्रने हुँदा उत्कृष्ट प्रर्दशन गर्दै बंगलादेशलाई स्तब्ध पार्न सक्छ ।

विश्वकपमा यी दुई देश १ पटक प्रतिस्पर्धा गर्दा बंगलादेश विजयी भएको छ । हेड टु हेडमा यी दुई देशबीच ७ वान डे खेल भएको छ । जसमा अफगानिस्तान ३ खेलमा विजयी हुँदा ४ खेलमा पराजित भएको छ ।

अष्टेलियासँगको खेलमा शतक प्रहार गरेका विकेटकीपर मुश्फिकुर रहिम आजको खेलमा पनि नायक सावित हुन सक्छन् । त्यस्तै जारी प्रतियोगितामा ५ खेलमा समान २ शतक र अर्धशतक सहित कुल ४ सय २५ रन जोडेका साकिब अल हसनको उत्कृष्ट प्रर्दशनमा बंगलादेशले सहज जित निकाल्न सक्छ ।

भारतसँगको खेलमा उत्कृष्ट प्रर्दशन गरेका मोहम्मद नाबीको प्रर्दशन आजको खेलमा पनि अफगानिस्तानलाई महत्वपूर्ण रहने छ । लेग स्पिनर राशिद खाने सोचे भन्दा खराव प्रर्दशन गर्नु अफगानिस्तानलाई ठूलो चिन्ताको विषय हो ।