एजेन्सी – कप्तान केन विलियमसनले शानदार शतक प्रहार गर्दै आफ्नो वान डे करियरकै उत्कृष्ट प्रर्दशन गरेपछि एक दिवसिय विश्वकप क्रिकेट प्रतियोगिता अन्तर्गत शनिवारको दोस्रो खेलमा न्युजिल्यान्डले वेस्ट इन्डिजलाई २ सय ९२ रनको लक्ष्य दिएको छ ।

टस हारेर ब्याटिङको निम्तो पाएको न्युजिल्यान्डले निर्धारित ५० ओभरमा ८ विकेटको क्षतिमा २ सय ९१ रन बनायो । न्युजिल्यान्डका लागि विलियमसनले १ सय ४८ रनको उत्कृष्ट शतकीय कप्तानी इनिङ खेल्दै बलियो योगफल सम्म पुर्याए । ४७ ओभरको तेस्रो बलमा क्याच आउट हुनु विलियमसनले १ सय ५४ बलमा १४ चौका र १ छक्का प्रहार गरे । त्यसअघि विलियमसनले १ सय २४ बलमा आफ्नो वान डे करियरको १३ औं शतक पुरा गरेका थिए । इंग्ल्यान्ड र वेल्समा जारी एक दिवसिय विश्वकप क्रिकेटमा विलियमसनको यो लगातार दोस्रो शतक समेत हो । यस अघि दक्षिण अफ्रिकासँगको खेलमा पनि शतक प्रहार गरेका थिए ।

न्युजिल्यान्डले पहिलो बलमै ओपनर मार्टिन गुप्टिललाई शुन्यमा गुमाएको थियो । गुप्टिललाई शिल्डन कर्टेलले एलवी डब्लू आउट गरे । यसै ओभरको पाँचौ बललमा उनले अर्का ओपनर कोलिन मुनरोलाई शुन्यमा बोल्ड आउट गरेपछि न्युजिल्यान्ड दबाबमा परेको थियो । तर विलियमसन र रोश टेलरले तेस्रो विकेटका लागि १ सय ६० रनको उत्कृष्ट साझीदारी गर्दै इनिङ उकासे । यी दुईशीचको साझेदारी ३५ ओभरको तेस्रो बलमा क्रिस गेलले कप्तान जोसन होल्डरबाट ६९ रनमा क्याच गराउँदै तोडे । टेलरले ९५ बलमा ७ चौका प्रहार गरे ।

तल्लोक्रमका जेम्श निशमले २३ बलमा समान १ चौका र छक्का सहित २८ रन,टम लेथम १२, मिचेल सान्टनार १० र कोलिन डी ग्राण्ड होमले १७ रनको योगदान दिए । वेस्ट इन्डिजका लागि शिल्डन कर्टेलले १० ओभरमा १ मेडन सहित ५६ रन खर्चेर ४ विकेट लिए । त्यस्तै कार्लोस वर्थवेट २ र क्रिस गेलको नाममा १ विकेट रह्यो ।