एजेन्सी – एकदिवसिय विश्वकप क्रिकेट प्रतियोगिता अन्तगर्त शनिवारको पहिलो खेलमा भारत र अफगानिस्तानबीच प्रतिस्पर्धा हुँदै छ । खेल नेपाली समय अनुसार दिउँसो ३:१५ देखि सुरु हुनेछ ।

प्रतियोगितामा अपराजित भारतले जित विहीन अफगानिस्तानमाथि फराकिलो जित निकाल्ने दाउमा छ । भारत ४ खेलमा ३ मा जित सहित चौथो स्थानमा छ । यता अफगानिस्तानले ५ खेलमा पाँचै खेल हारेको छ । अफगानिस्तान आजको खेलमा पराजित भए यस प्रतियोगिताबाट लगभग बाहिरिने छ । भारत र अफगानिस्तासँगको खेलमा प्रभाव पार्न सक्ने २ खेलाडी :

रोहित शर्मा (भारत)

उत्कृष्ट लयमा रहेका भारतीय टोलीका ओपनर रोहित शर्माले ३ खेलमा २ शतक प्रहार गरेका छन् । पहिलो खेलमै दक्षिण अफ्रिकाबिरुद्ध १ सय २२ रनमा अविजित रहेका थिए । त्यस्तै अष्टेलियासँगको खेलमा ५७ रनमा आउट भए । रोहितले पाकिस्तानसँगको खेलमा १ सय ४० रनको दमदार इनिङ खेल्दै टोलीको जित पक्का गरे । सन् २०१३ यता भारतको पहिलो रोजाईको ओपनरको रुपमा खेलि रहेका छन् ।

रोहितले आफ्नै एकै इनिङमा ठूलो योगफल बनाउदै भारतको सहज जित पक्का गर्न सक्छन् । रोहित वान डे क्रिकेटमा ३ पटक दोहोरो शतक प्रहार गर्ने एक्लो ब्याट्सम्यान हुन् । रोहिनले सन् २०१५ को विश्वकपमा अफगानिस्तानविरुद्ध १ सय २२ बलमा १२ चौका ७ चौका १ सय ५० रन जोडेका थिए । उत्कृष्ट लयमा रहेका रोहित आजको खेलमा अफगानिस्तानलाई घातक बन्न सक्छन् ।

मोहम्मद नाबी (अफगानिस्तान)

अफगानिस्तानका अलराउण्डर मोहम्मद नाबीको प्रर्दशन आजको खेलमा निर्णायक बन्न सक्छ । अनुभवी अलराउण्डर नाबीले आफ्नो बल र ब्याट दुबैमा चम्किँदै टोलीको आश्चर्यजनक नतिजा निकाल्न सक्छन् । नाबी तल्लोक्रम ठूला शट प्रहार गर्न पनि माहिर छन् । स्पिन बलिङ पनि त्यहिनै राम्रो गर्ने गर्दछन् ।

। नाबीले जारी विश्वकपमा बलिङ तर्फराम्रो छाप छाडेपछि ब्याटिङमा भने राम्रो प्रर्दशन गर्न सकि रहेका छैनन् । नाबीले ४ विकेट श्रीलंकालाई संकटमा परेका थिए । नाबीले अन्य खेलमा पनि कसिलो बलिङ गर्दै आएका छन् । नाबीले १ सय १७ वान डे खेलमा २ हजार ६ सय २९ रन बनाउनुको साथै १ सय २२ विकेट लिएका छन् ।

गत सेप्टेम्बरमा भएको एसिया कपमा भारतलाई बराबरीमा रोक्न नाबीले तल्लोक्रममा आक्रमक ब्याटिङ गर्दै ५६ बलमा ३ चौका र ४ छक्का सहित ६४ रन जोड्नुको साथै २ विकेट लिएका थिए । त्यसैले पनि नाबीको प्रर्दशन आजको खेलमा निर्णायक बन्न सक्छन् ।