महेन्द्रनगर(हाम्रो खेलकुद)- महेन्द्रनगरमा जारी चौथो संस्करणको प्रधानमन्त्री महिला टी ट्वान्टी क्रिकेट प्रतियोगितामा शुक्रबार प्रदेश १ र ५ विजयी भएका छन् । प्रदेश १ ले प्रदेश २ लाई ८ विकेटले पराजित गरेको छ । प्रदेश ५ ले गण्डकी प्रदेशलाई ८ विकेटले पराजित गर्यो ।

टस जितेर पहिला ब्याटिङ थालेको प्रदेश २ ले निर्धारित २० ओभरमा ७१ रन बनाएको थियो । उसका लागि शान्ति चौधरी १४,शोभा आले १३,सरस्वती चौधरी १३ बटुले । प्रदेश १ का लागि कप्तान रुविना क्षेत्रीले ४ ओभरमा १६ रन खर्चेर ४ विकेट लिइन् । अप्सरी बेगमले २ र शबनम राईले १ विकेट हात पारिन् ।

सामान्य ७२ रनको लक्ष्य प्रदेश १ ले १४.२ ओभरमा २ विकेटको क्षतिमा पुरा गर्यो । सहज जित हात पार्न रुविना क्षेत्रीले २६,काजल श्रेष्ठ १९,रोमा थापा १४ र अप्सरी बेगम ४ रन जोडे । सन्तोषी चौधरी र सरस्वती चौधरीले समान १ विकेट लिइन् ।

त्यस्तै अर्को खेलमा खेलमा प्रदेश ५ ले गण्डकी प्रदेशलाई ८ विकेटले पराजित गर्यो । टस जितेर पहिला ब्याटिङ थालेको गण्डकीले १८.३ ओभरमा अल आउट हुँदै ७८ रनमा अल आउट भएको थियो । उसको लागिश्रृष्टी पौडेलले १८ र शुसिला गुरुङले १९ रन बटुले । शिला रेग्मी ९,प्रमिला बानिँया ८ रनमा आउट भए ।

प्रदेश ५ का लागि कृर्तिना मराशैनी ३,सिमा थापा २,नेरी थापा,सरस्वती पुन मगर र लक्ष्मी चौधरीले समान १ विकेट लिइन् । समान्य ७९ रनको लक्ष्य प्रदेश ५ ले १२.२ ओभरमा २ विकेटको क्षतिमा पुरा गर्यो । प्रदेश ५ का लागि सरस्वती घर्ती मगर १०,गीता गोसाई २० र नेरी थापा २८ रन जोडे । सुशिला गुरुङले २ विकेट लिइन् ।