रायपुर – कप्तान विराट कोहलीले उच्च प्रदर्शनलाई निरन्तरता दिने क्रममा अर्धशतक बनाएपछि रोयल च्यालेन्जर्स बैंड्लोरले इन्डियन प्रिमियर लिग (आइपिएल) को अन्तिम खेलमा दिल्ली डेरडेभिल्समाथि ६ विकेटको जित दर्ता गराएको छ ।
जितपछि दोस्रो स्थानमा उक्लदै बैंड्लोर प्ले अफका लागि छनोट भएको छ । १४ खेलबाट टोलीले १६ अंक बटुलेका थियो । मंगलबार हुने पहिलो छनोट खेलमा टोलीले गुजरात लायन्सको सामना गर्नेछ । अर्को छनोट सरराइजर्स हैदरावाद र कोलकाता नाइट राइडर्सबीच हुनेछ ।

दिल्लीलाई हराउने क्रममा अविजित ५४ रन बनाएका बैंड्लोरका कप्तान विराट कोहलीको जितपछिको खुसी यस्तो थियो ।

पहिलो ब्याटिड गरेको दिल्लीले क्विन्टन डी ककको ६० रनको मद्दतमा ८ विकेट गुमाएर १ सय ३८ रन बनाएको थियो । बैंड्लोरले मध्यम लक्ष्य ११ बल बाँकी रहँदा ४ विकेट गुमाएर आवश्यक १ सय ३९ रन जोडदै जित हासिल गरेको थियो । अन्तिम खेलको हारसँग दिल्ली प्ले अफका लागि छनोट हुन सकेन ।
एबी डि भिलियर्स (६ रन) जस्ता आक्रमक खेलाडीलाई सस्तैमा आउट गरेपछि दिल्ली आफ्नो पक्षमा नतिजा पार्न असफल भयो । अर्का आक्रमक खेलाडी क्रिस गेल (१) लाई पनि सुरुआतमै गुमाएको बैंड्लोरले एक समय २ विकेट गुमाउँदा १७ रन मात्र बनाएको थियो ।
तर, कोहलीले लोकेश राहुलसँग तेस्रो विकेटका लागि ६६ रनको साझेदारी गरेपछि टोली जिततर्फ अग्रसर बनेको थियो । राहुलले २३ बलमा ४ चौका र १ छक्का प्रहार गरे । अविजित रहेका कोहलीले ४५ बल खेल्दै ५४ रन को योगदान गरे । सेन वार्टसनले १४ र स्टुआर्ट बिन्नी अविजित १६ रनमा रहे । दिल्लीका लागि कप्तान जाहिर खान, क्रिस मोरिस, पवन नेगी र कार्लोस ब्रर्थवेइटीले समान १ विकेट लिए ।
दिल्लीका लागि डी कक , मोरिस र सञ्जु सामसन बाहेक कसै राम्रो खेल्न सकेनन् । मोरिसले अविजित २७, सामसनले १७ र करुण नायरले ११ रन बनाए भने अन्य कुनै पनि ब्याट्सम्यान चलेनन् ।
बैंड्लोरका लागि युजभेन्दर चाहला सबैभन्दा सफल रहे । उनले ३, क्रिस गेलले २, क्रिस जोर्डन र श्रीनाथ अरविन्दले समान १ विकेट लिए ।