6 years ago
June 19, 2019
सप्तरी(हाम्रो खेलकुद) – राजविराजमा जारी दोस्रो संस्करणको मेयर कप सप्तरी प्रिमियर लिगमा बुधबारतिलाठी कोइलाडी जायन्ट र रुपनी राइडर्स विजयी भएका छन् । बुधबार रुपनी राइडर्सले डाक्नेश्वरी ड्रागनलाई ३२ रनले पराजित गर्यो।
दोश्रो जित सहित रुपनी अंक तालिकाको शिर्ष स्थानमा उक्लेको छ। रुपनीले दिएको १ सय ४५ रनको लक्ष्य पछ्याएको डाक्नेश्वरीले २० ओभरमा ९ विकेट गुमाएर १ सय १२ रन मात्रै बनाउन सक्यो।
डाक्नेश्वरीको लागि प्रेम तामाङले १८,अविनाश कर्ण र राहुल मण्डलले समान १५ रन बटुले। रुपनीका पासवानले सर्वाधिक ३ विकेट लिए । अनोज यादब र सैदुल्लाह अन्सारीको नाममा २ विकेट रह्यो ।
त्यस अघि टस हारेर ब्याटिङ थालेको रुपनी राइडर्सले १९.५ ओभरमा अल आउट हुँदै १ सय ४४ रन बनाएको थियो । रुपनीको लागि ओपनर सोनु अन्सारीले आक्रामक ब्याटिङ गर्दै मात्र २३ बलमा ४ छक्का र ४ चौकाको सहयोगले सर्वाधिक ४४ रनको योगदान दिए । यस्तै अनोज यादबले अन्तिममा ५ छक्का प्रहार गर्दै २३ बलमा ३६ रन बनाए ।
कप्तान मेहबुब आलमले १६ तथा हसिम अन्सारीले १५ रन जोडे । डाक्नेश्वरी ड्रागनका लागि अफ-स्पिनर दिपेश कंडेलले ४ ओभरमा २६ रन खर्चिएर ३ विकेट लिए । यस्तै पुष्प थापा र प्रेम तामाङले समान २ विकेट लिए ।
पहिलो खेलमा तिलाठी कोइलाडी जायन्टले बजाज खडक वारियर्सलाई ८ विकेटले सहजै पराजित गर्दै पहिलो जित दर्ता गरेको छ । प्रतियोगितामा खडक वारियर्सको यो दोश्रो हार हो। १ सय ३२ रनको विजय लक्ष्य पछ्याएको तिलाठी कोइलाडीले मात्र २ विकेट गुमाएर २४ बल अगावै पुरा गर्यो।
तिलाठी कोइलाडीको जितमा ओपनर सुनिल धमलाले आक्रामक ब्याटिङ गदै ८४ रनमा अविजित रहे । धमलाले ५५ बलमा १० चौका र २ छक्का प्रहार गरे। यस्तै सुरज पटेलले ३४ रन बनाए। धमला र पटेलले तेश्रो विकेटको लागि ८७ रनको अविजित साझेदारी गरेका थिए।
त्यस अघि टस जितेर ब्याटिङ गरेको बजाज खडक वारियर्सले २० ओभरमा ७ विकेट गुमाएर १ सय ३१ रन बनाएको थियो । वारियर्सको लागि कप्तान राजेश पुलामीले सर्वाधिक ५० रन बनाए । ५० बलमा ३ चौका र ३ वटै छक्का प्रहार गरे।
यस्तै अमित दासले २६, अमल दासले १७ तथा सुधिर चौधरीले १२ रन जोडे। एक समय ५४-६ को कमजोर अवस्थामा पुगेको वारियर्सलाई पुलामी र अमितले सातौँ विकेटको लागि ७६ रनको साझेदारी गर्दै उकासेका थिए। तिलाठी कोइलाडीको लागि सुनिल धमला र कमल ओलीले समान २ विकेट तथा रोहित सिंह, अनिल यादब र विकास दासले १-१ विकेट लिए। सुनिल धमला खेलमा म्यान अफ द म्याच चुनिए ।
January 22, 2025
एजेन्सी – ओपनर अभिषेक शर्माको अर्धशतक प्रेरित भारतले इङ्ग्ल्याण्डलसई पहिलो टि ट्वान्टी आईमा हराएको छ । भारतको कोलकातामा बुधवार भएको खेलमा घरेलु टोलीले इङ्ग्ल्याण्डलाई ७ विकेटले पराजित गर्यो । जितसँगै भारतले ५ खेलको सिरिजमा १- ० को अग्रता लिएको छ । १ सय ३३ रनको सामान्य लक्ष्य भारतले १२.५ ओभरमा ३ विकेट गुमाएर पूरा गर्यो […]
January 22, 2025
एजेन्सी – भारतविरुद्धको पहिलो टि ट्वान्टी आईमा इङ्ग्ल्याण्डले सामान्य योगफल तयार गरेको छ । भारतको कोलकातामा जारी खेलमा इङ्ग्ल्याण्डले भारतलाई १ सय ३३ रनको सामान्य लक्ष्य दिएको हो । इडन गार्डेनमा टस हारेर पहिले ब्याटिङ गरेको पाहुना टोलीले निर्धारित २० ओभरको अन्तिम बलमा अल आउट हुँदै १ सय ३२ रनको सामान्य योगफल तयार गरेको छ। […]
January 22, 2025
काठमाडौं(हाम्रो खेलकुद) – जय नेपाल कपमा बुधवार मध्य पश्चिम र बिहार विश्वविद्यालय विजयी भएका छन्। कीर्तिपुर स्थित टियु क्रिकेट मैदानमस बुधवारको दोस्रो खेलमा मध्य पश्चिमले काठमाडौं विश्वविद्यालयलाई १ सय ३४ रनले पराजित गरेको हो । १ सय ९३ रनको लक्ष्य पछ्याएको काठमाडौंले १४.२ ओभरमा ५८ रन जोड्दै अल आउट भयो । काठमाडौंका लागि दिवस सुवेदीले […]
