एजेन्सी – इंग्ल्यान्डका कप्तान इओन मोर्गनले एक दिवसिय विश्वकप क्रिकेटमा अफगानिस्तानविरुद्ध विष्फोटक शतक पुरा गरेका छन् ।

मोर्गनले मात्रै ५७ बलमा आफ्नो वान डे करियरको १३ औं शतक पुरा गरेका हुन् । मैदानमा चौका र छक्काको वर्षा गराएका मोर्गनले ४३ ओभरको अन्तिम बलमा राशिद खानलाई छक्का प्रहार गर्दै विश्कपमा आफ्नो पहिलो शतक समेत पुरा गरे । मोर्गन ५९ बलमा ३ चौका र ११ छक्का सहित १ सय ४रनमा खेलि रहेका छन् । मोर्गनलाई जो रुटले ७६ रनमा साथ दिएका छन् । तेस्रो विकेटका लागि रुट र मोर्गनले १ सय ३८ रनको साझेदारी गरि सकेका छन् ।

त्यस्तै जोनी बेयरस्टोले ९९ बलमा ८ चौका र ३ छक्का सहित ९० रनको योगदान दिए । ३० ओभरको पाँचौ बलमा कप्तान गुवदीन नाईबले आफैं उत्कृष्ट क्याच लिदै पेभिलिएन फर्काएपछि शतक पुरा गर्न १० रनले चुकेका थिए । बेयरस्टो र रुटलो दोस्रो विकेटका लागि १ सय २० रनको उत्कृष्ट शतकीय साझेदारी गर्दै बलियो अवस्थामा पुर्याएका थिए ।

त्यस अघि १० ओभरको तेस्रो बलमा दलावत जदरानले मुजिव उर रहमानबाट क्याच गराउँदै ओपनर जेम्श भिन्सलाई २६ रनमा आउट गराए । ठूलो शट खेल्ने धुनमा आउट हुनुअघि भिन्सले ३१ बलमा ३ चौका प्रहार गरे । टस जितेर पहिला ब्याटिङ थालेको इंग्ल्यान्डले यो समचार तयार पार्न सम्म ४४ ओभरमा ३ सय २ रन बनाउन २ विकेट गुमाएको छ ।