एजेन्सी – एकदिवसिय विश्वकप क्रिकेट प्रतियोगितामा आज घरेलु टोली इंग्ल्यान्ड र अफगानिस्तान भिड्दै छन् । खेल नेपाली समय अनुसार ३:१५ देखी सुरु हुने छ । अफगानिस्तान पहिलो जितको खोजिमा छ ।

अफगानिस्तानले सुरुवाती चारै खेल हारेको छ । यता इंग्ल्यान्ड अफगानिस्तानमाथि फराकिलो जित निकाल्दै अंक तालिकामा शीर्ष स्थानमा उक्लिने दाउमा छ । अफगानिस्तान इंग्ल्यान्ड भन्दा तुलनात्मक रुपमा कमजोर टोली मानिन्छ । इंग्ल्यान्डले ४ खेलमा ३ मा जित र १ मा हार बेहोरेको छ ।

आजको खेलमा अफगानिस्तान पराजित भए शीर्ष चार रहेर सेमिफाइनल खेल्ने अंकगणीतिय संभावना मात्रै बाँकी रहने देखिन्छ । सन् २०१५ को विश्वकपमा अफगानिस्तान इंग्ल्यान्डसँग ९ विकेटले पराजित भएको थियो । आजको खेलमा प्रभाव पार्न सक्ने दुई खेलाडी :

जो रुट (इंग्ल्यान्ड)

इंग्ल्यान्डका सर्वाधिक भरपर्दा युवा ब्याट्सम्यान जो रुट उत्कृष्ट लयमा छन् । टेष्ट क्रिकेटका कप्तान समेत रहेका रुट बाउन्ड्री भन्दा डबल सिंगल रन जोड्न माहिर मानिन्छन् । उनले जारी विश्वकपमा ४ खेलमा २ शतक र १ अर्ध शतक सहित २ सय ७९ रन जोडी सकेका छन् । रुटले जस्तो सुकै दबाबमा पनि रन जोड्ने गर्दछन् । डवल सिंगलबाटै बलरलाई दवावमा राख्ने गर्दछन् ।

रुटले पहिलो खेलमा दक्षिण अफ्रिकाविरुद्ध ५१ रन जोडेका थिए । दोस्रो खेलमा पाकिस्तानविरुद्ध १ सय ७ रन प्रहार गरेपनि इंग्ल्यान्डको हार टार्न सकेनन् । बंगलादेशसँगको खेलमा २१ रनमा आउट हुन पुगे । वेस्ट इन्डिजसँगको खेलमा १ सय रनमा अविजित रहनुको साथै २ विकेट लिएका थिए । रुटले पाटटाईमका स्पिन बलिङ समेत गर्ने गर्दछन् । निरन्तर रन जोड्दै बलरलाई दवावमा राख्ने रुट अफगानिस्तानको लागि घातक बन्न सक्छन् ।

राशिद खान (अफगानिस्तान)

लेग स्पिनर राशिद खानको प्रर्दशन अफगानिस्तानलाई निकै महत्वपूर्ण हुने छ । राशिद बलिङमात्रै होइन तल्लोक्रममा ठूला ठूला शट प्रहार गर्र्न पनि सिपालु छन् । राशिदले सुरुवाती ४ खेलमा मध्यम प्रर्दशन गरेका छन् । राशिदले अष्टेलियाविरुद्ध १ विकेट लिनुका साथै २७ रन जोडेका थिए । श्रीलंकाविरुद्ध २ विकेट लिएका राशिदले न्युजिल्यान्डसँगको खेलमा ब्याटिङ गर्ने क्रममा घाईते हुँदा बलिङनै गरेनन् ।

साउथ अफ्रिकासँग ३५ रन जोडेका राशिदले विकेट भने लिन सकेनन् । पछिल्लो दुई वर्षमा अन्तर्राष्ट्रिय फेन्चाईज लिगमा उत्कृष्ट प्रर्दशन गर्दै आएका राशिदले आफ्नो उत्कृष्ट अलराउण्डर प्रर्दशनमा अफगानिस्तानले आश्चर्यजनक नतिजा हात पार्न सक्छ ।