एजेन्सी – एकदिवसिय विश्वकप क्रिकेट प्रतियोगिता अन्तर्गत शनिवार पहिलो खेलमा साबिक विजेता अष्टेलियाले श्रीलंकासँग प्रतिस्पर्धा गर्दै छ। खेल नेपाली समय अनुसार लन्डन स्थित ओभल क्रिकेट मैदानमा ३:१५ देखी सुरु हुनेछ ।

अष्ट्रेलिया चौथो जित निकाल्ने दाउमा छ । श्रीलंका आजको खेलमा गर वा मरको अवस्थामा छ । श्रीलंकाले ४ खेलमा १ मा जिज १ मा हार र २ खेलमा अंक बाड्दै ४ अंक सहित पाँचौ स्थानमा छ । शीर्ष चारमा रहेर सेमिफाईनल खेल्ने आसा कायमै राख्न उसलाई आजको खेल जित्नुपर्ने दबाब छ ।

यता उपाधिको दाबेदार समेत रहेको साबिक विजेता अष्टेलियालाई आजको खेलमा जित निकाल्दै शीर्ष स्थानमा उक्लिने अवसर छ । अष्टे«लियाले ४ खेलमा ३ मा जित र १ मा हारका साथ ६ अंक जोड्दै तेस्रो स्थानमा छ । अष्टेलिया आजको खेलमा विजयी भए ८ अंकका साथ शीर्ष स्थानमा उक्लिने छ ।

पहिलो स्थानमा रहेको न्युजिल्यान्डले ४ खेलमा ३ मा जित सहित ७ अंक जोडेको छ । इंग्ल्यान्डले ४ खेलमा ३ मा जित र १ मा हारका साथ ६ अंक जा्डदै दोस्रो स्थानमा छ । भारत ३ खेलमा २ मा जितका साथ चौथो स्थानमा छ ।

अष्टे«लियाले अफगानिस्तानलाई ७ विकेट,वेस्ट इन्डिजलाई १५ रनले पराजित गरेको थियो । भारतसँग ३६ रनले स्तब्ध हुँदा चौथो खेलमा पाकिस्तानलाई ४१ रनले पराजित गरेको थियो । यता श्रीलंका पहिलो खेलमा न्युजिल्यान्डसँग १० विकेटले पराजित हुँदा अफगानिस्तानलाई ३४ रनले पराजित गरेको थियो । पाकिस्तान र बंगलादेशसँग भने वर्षाको कारण अंक बाडेको थियो ।

विश्वकपमा अष्टेलिया र श्रीलंकाबीच कुल ९ खेल भएका छन् । जसमा अष्टेलिया ७ खेलमा विजयी हुँदा १ खेलमा पराजित भएको छ । १ खेलको नजिता विहिन छ । सम्रगमा यी दुईदेशबीच ९६ वान डे खेलमा हुँदा ६० खेलमा अष्टेलिया विजयी भएको छ । ३० खेलमा श्रीलंकाले जित निकालेको छ । ४ खेलको नतिजा बिहीन छ ।