एजेन्सी – जापान यू१९ टोलीले पहिलो पटक क्रिकेट विश्वकप खेल्ने भएको छ । जापानले आगमी वर्ष दक्षिण अफ्रिका हुने एकदिवसिय विश्वप क्रिकेट प्रतियोगिताको लागि छनोट भएको छ ।

जापानमै भएको आईसीसी यू१९ क्रिकेट विश्वकप छनोटको इस्ट एसिया प्यासिफिक (इएपी) मा शीर्षस्थामा रहँदै आगमी वर्ष हुने यू१९ विश्वकपमा पहिलो पटक स्थान पक्का गरेको हो । जापानले फिजि, पपुवा न्यु गिनी, समोआ र भानुआतुलाई पछि पार्दै विश्वकपमा स्थान बनाएको हो ।

जापानले पहिलो खेलमा सामोआलाई १ सय ७४ रनको फराकिलो अन्तरले पराजित गरेको थियो । भानुअतुलाई जापानले ७० रन र फिजिलाई ४ विकेटले पराजित गर्दा विश्वकप नजिक पुगेको थियो । अन्तिम खेलमा पप्पुवा न्युगिनीले जापानसँग नखेलेपछि जापान स्वत: १० विकेटले विजयी हुँदै पहिलो पटक विश्वकपमा स्थान भएको हो । आन्तरिक अनुशासन कारवाहीका कारण पपुवा न्यु गिनीको मैदानमा उत्रने ११ जना खेलाडी नपुगेपछि जापानसँगको खेल खेलेको थिएन ।

यसअघि अघिल्लो महिना मलेसियामा सम्पन्न आईसीसी यू१९ विश्वकप छनोट एसिया क्षेत्रमा नेपाल दोस्रो स्थानमा रहँदै विश्वकप खेल्नबाट चुकेको थियो । यूएईसँग डक अर्थ लेविसका आधारमा १ रनले पराजित हुनु नेपालको लागि विश्वकपको लागि यात्रा समाप्त हुन पुगेको थियो ।

विश्व क्रिकेटमा जापान क्रिकेट यो अहिले सम्मकै ठूलो सफलता हो । जापानले सन् १९८९ मा आईसीसीबाट सदस्य प्राप्त गरेको थियो । जापानको उमेर समुहले हालसम्म उच्च सफलता डिभिजन ५ छ । यू१९ विश्वकप आगमी वर्ष दक्षिण अफ्रिकामा जवनरी १७ देखी ९ फेबुअरी सम्म चल्ने छ ।