एजेन्सी – इंग्ल्यान्डमा जारी एक दिवसिय विश्वकप क्रिकेट प्रतियोगितामा आज श्रीलंका र अफगानिस्तान भिड्दै छन् । खेल नेपाली समय अनुसार दिउँसो ३ः१५ मा कार्डिफमा सुरु हुने छ । दुवै टोली पहिलो जितको खोजीमा छन् ।

पहिलो खेलमा अफगानिस्तान अष्टे«लियासँग ७ विकेटले पराजित भएको थियो । अर्को खेलमा न्युजिल्यान्डले श्रीलंकालाई १० विकेटले हराएको थियो ।

श्रीलंका र अफगानिस्तानबीच अहिले सम्म ३ वटा वान डे खेल भएका छन् । जसमा २ खेल श्रीलंका र एक खेलमा अफगानिस्तानले जित हासिल गरेको थियो । पछिल्लो खेलको नतिजा हेर्दा श्रीलंका भन्दा अफगानिस्तान बलियो देखिन्छ । वार्मअफमा पाकिस्तानलाई हराएको अफगानिस्तानको मनोबल पनि उच्च छ ।

पहिलो पटक सेमिफाइनल पुग्ने लक्ष्य राखेको अफगानिस्तान पछिल्लो समय खस्कदो प्रर्दशन गरि रहेको श्रीलंकालाई स्तब्ध पार्दै पहिलो जित निकाल्न चाहान्छ । श्रीलंका पनि अफगानिस्तानलाई पराजित गर्दै विश्वकपमा पहिलो अंक जोड्न आतुर छ ।

अफगानिस्तानका मोहमम्मद शहजाद, हज्रतुल्लाह जजाई,रामथ शाह,मोहम्मद नामी,राशिद खान,जुजिव उर रहमान,कप्तान गुलबदीन नाइब प्रमुख हतियार हुन् । श्रीलंका कप्तान दिमुथ करुणारत्ने,लाथिस मलिङ्गा,तिसेरा पेरा,जीवन मेन्डिस,धनन्जय डी शिल्भा,इसरु उडानाले पछिल्लो समय राम्रो प्रर्दशन गर्दै आएका छन् ।