6 years ago
June 3, 2019
एजेन्सी – एकदिवसीय क्रिकेट विश्वकप अन्तर्गत सोमबार पाकिस्तानले घरेलु टोली इंग्ल्यान्डलाई पराजित गरेको छ ।
इंग्ल्यान्डका जो रुट र विकेटकीपर जस बटलरले शतक प्रहार गरेपनि इंग्ल्यान्ड १४ रनले पराजित भएको हो । इंग्ल्यान्डलाई पराजित गर्दै पाकिस्तानले लगातार ११ खेलमा हारको क्रम अन्त्य गरेको छ ।
जितका लागि ३ सय ४९ रनको लक्ष्य पछ्याएको इंग्ल्यान्ड निर्धारित ५० ओभरमा ९ विकेटको क्षतिमा ३ सय ३४ रन बनायो । रुट र बटलरले शतक प्रहार गरेपनि अन्य खेलाडीले राम्रो प्रर्दशन गर्न नसक्दा इंग्ल्यान्ड पराजित हुन पुगेको हो ।
३८ ओभरको दास्रो बलमा १ रन बटुल्दै रुटले ९७ बलमा शतक पुरा गरे । रुटको वान डे करियरको १५ औं तथा जारी विश्वकपको पहिलो शतक थियो । ३९ ओभरको पाँचौ बलमा शादब खानले मोहम्मद हफिजबाट क्याच आउट गर्नु अघि रुटले १ सय ४ बलमा १० चौका र १ छक्का १ सय ७ रनको योगदान दिएपनि टोलीको हार टार्न सकेनन् ।
पाकिस्तानका लागि वहाब रियाजले १० ओभरमा ८२ रन खर्चेर ३ विकेट लिए । सादब खान र मोहम्मद आमिरले समान २ विकेट लिए । मोहम्मद हफिज र सोएब मालिकको नाममा समान १ विकेट रह्यो ।
त्यसअघि टस हारेर पहिला ब्याटिङ थालेको पाकिस्तानले निर्धारित ५० ओभरमा ८ विकेटको क्षतिमा ३ सय रन ४८ रन बनायो । विश्वकपमा इंग्ल्यान्डविरुद्ध कुनै पनि टिमले बनाएको यो हालसम्मकै उच्च लक्ष्य थियो । उसका लागि अनुभवी ब्याट्सम्यान मोहम्मद हफिजले सर्वाधिक ८४ रनको योगदान दिए । ४३ ओभरको चौथो बलमा मार्क उडले क्रिस वोक्सबाट क्याच गराउनु अघि हफिजले ६२ बलमा ८ चौका र २ छक्का प्रहार गरे ।
३३ ओभरको पाँचौ बलमा मोइन अलीले क्रिस वोक्सबाट क्याच गराउनु अघि युवा ब्याट्सम्यान बाबर आजमले ६६ बलमा ४ चौकार १ छक्का सहित ६३ रनको महत्वपूर्ण योगदान दिए । ओपनर फरार जमान र इमाम उल हकले १४.१ ओभरमा ८२ रनको साझेदारी गर्दै राम्रो सुरुवात दिलाए । मइन अलीले स्टपिङ आउट गराउनु अघि ४० बलमा ६ चौका प्रहार गर्दै ३६ रनमा आउट भए ।
२१ औं ओभरको पहिलो बलमा क्याच आउट हुनु अघि अर्का ओपनर हकले ५८ बलमा ३ चौका र १ छक्का प्रहार गर्दै ४४ रन बटुले । कप्तान शरफराज अहमिदले ४४ बलमा ५ चौका सहित ५५ रन जोडे । आशिफ अली १४ रनमा आउट भए । सोएब मलिक ९,हसन अली १०, वहाब रियाज ४, र सादव खानले १० रन बटुले ।
इंग्ल्यान्डका लागि मोइन अलीले १० ओभरमा ५० रन खर्चेर ३ विकेट लिए । त्यस्तै क्रिस वोक्सले ८ ओभरमा १ मेडन सहित ७१ रन खर्चेर ३ विकेट लिए । मार्क उडको नाममा २ विकेट रह्यो ।
January 22, 2025
काठमाडौं(हाम्रो खेलकुद) – मलेसियामा जारी आइसिसी यु १९ महिला विश्व कपमा नेपाललाई अस्ट्रेलियाले विशाल लक्ष्य दिएको छ । मलेसियामा जारी खेलमा अस्ट्रेलियाले नेपाल यु १९ लाई १ सय ४० रनको लक्ष्य दिएको हो । मलेसियास्थित युकेएम क्रिकेट ओभलमा टस जितेर ब्याटिङ रोजेको अस्ट्रेलियाले निर्धारित २० ओभरमा ६ विकेट गुमाएर १ सय ३९ रनको योगफल तयार […]
January 22, 2025
काठमाडौं(हाम्रो खेलकुद) – मलेसियामा जारी आइसिसी यु १९ महिला विश्व कपको सुपर सिक्समा स्थान बनाउँन जित्नै पर्ने खेलमा नेपालले टस हारेको छ । मलेसियाको युकेएम क्रिकेट ओभलमा नेपालले अस्ट्रेलियाविरुद्ध टस हारेर बलिङको निम्तो पाएको हो । स्कटल्याण्डसँग सोमवार खेलेको नेपाली टोलीमा १ परिवर्तन गरिएको छ । स्कटल्याण्डविरुद्ध खेलेकी किरन कुँवर बेन्चमा रहँदा तृषना विकले मौका […]
January 22, 2025
हिमाल खरेल, बिर्तामोड झापाको बुद्धशान्तिमा हुने दोस्रो बर्खा स्मृति झापा जिल्ला अन्तरपालिका टि ट्वान्टी पुरुष क्रिकेट प्रतियोगिताको तयारी पूरा भएको छ । आयोजक बर्खा स्मृति प्रतिष्ठान बुद्धशान्तिका अध्यक्ष मदन प्रसाईंका अनुसार प्रतियोगिताको लागि खेल मैदानको स्तरोन्नति सकिएको छ भने पिच निर्माणको काम पूरा भएको प्रसाईंले जानकारी दिए । माघ ११ गतेदेखि १९ गतेसम्म बुद्धशान्ति–३ स्थित […]
