काठमाडौं (हाम्रो खेलकुद) – काठमाडौंमा जारी तेस्रो संस्करणको राष्ट्रिय एक दिवसिय क्रिकेट प्रतियोगितामा प्रदेश ३ लाई सुदूरपश्चिम प्रदेशले १ सय ५५ रनको लक्ष्य दिएको छ ।

मुलपानी क्रिकेट मैदानमा टस जितेर पहिला ब्याटिङ गर्ने निर्णय लिएको सुदूपश्चिम ४५.१ ओभरमा अल आउट हुँदै १ सय ५४ रन बनायो । उसका लागि ओपनर खड्क बहादुर बोहोराले सर्वाधिक ४० रनको योगदान दिए । १५ ओभरकाो पहिलो बलमा स्टम्पिङ आउट हुनु अघि ६१ बलमा ५ चौका प्रहार गरे । अर्का ओपनर बसन्त कार्की ४ रनम पेभिलिएन फर्के ।

२३ ओभरको दोस्रो बलमा नन्दन यादवले प्रतिस जिसीबाट क्याच आउट गराउनु अघि कप्तान शेर मल्लले ३७ बलमा १४ रन जोडे । मध्यक्रमका रोशन अधिकारीले ५५ बलमा ४ चौका सहित २७ रन जोडे । अन्य ब्याट्सम्यानले राम्रो प्रर्दशन गर्न सकेनन् ।

नरेन्द्र साउद ८ ,महेश अधिकारी डक, विनोद लामा र लोकेश बम समान २ रनमा आउट भए । कुनै समय ३६.३ ओभरमा १२७-८ को कमजोर अवस्थामा पुगेको सुदूरपश्चिमलाई नवौं विकेटका लागि नरेश बोहोरा र आकश चन्दले रनको २६ रनको साझेदारी गर्दै इनिंग उकासे । बोहोराले ५१ बलमा ३ चौका प्रहार गर्दै २६ रन जोडे । आकशले ८ रन बटुले ।

प्रदेश ३ का लागि युवा स्पिनर सुर्य तामाङले १० ओभरमा २ मेडन सहित २६ रन खर्चेर ३ विकेट लिए । प्रतिस जिसी र जितेन्द्र सिंह ठकुरीको नामममा समान २ विकेट रह्यो । नन्दन यादव र पारस खड्काले १-१ विकेट लिए ।

राष्ट्रिय टोलीका कप्तान पारस खड्का सम्मिलित प्रदेश ३ आज विजयी भए शीर्ष दुईमा रहँदै सेमिफाईनल पुग्ने छ । फराकिलो अन्तरले विजयी भएको खण्डमा प्रदेश ३ एपीएफलाईपछि पार्दै शीर्ष स्थानमा रहँैदै सेमिफाईनल पुग्न सक्ने संभावना पनि उच्च देखिन्छ ।