राशिद र सुरज चम्कँदा प्रदेश २ को बलियो योगफल

काठमाडौं (हाम्रो खेलकुद) – तल्लोक्रमका युवा अलराउन्डर राशिद खानको आक्रमण ब्याटिङ र सुरज पटेलको उत्कृष्ट अर्धशतकमा प्रदेश २ ले प्रदेश १ विरुद्ध बलियो योगफल प्रस्तुत गरेको छ । प्रदेश २ ले निर्धारित ५० ओभरमा ९ विकेट गुमाउँदै २ सय ६५ रनको योगफल तयार पारेको छ ।

ओपनर हसीम अन्सारीले २० र हरिशंकर साहले ३१ रन जोड्दै प्रदेश २ लाइ बलियो सुरुवात दिलाएका थिए । त्यसपछि ब्याटिङमा आएका रवी शाह र विशाल सुस्लिङले पनि २०-२० रनको योगदान दिए । ३२ औं ओभरमा १३१-४ को स्थितिमा रहेका प्रदेश २ लाई सुरज पटेलले उकासेका थिए । कप्तान महबुब आलम १९ र विवेक यादव ४ रनमा आउट भएपछि राशिद क्रिजमा आएका थिए ।

राशिद र सुरजले सातौं विकेटका लागि ९ ओभरमा ६७ रनको साझेदारी गरेका थिए । राशिदले ३१ बलमा ४७ रन जोडे । उनले २ चौका र ५ छक्का प्रहार गरे । सुरजले नटआउट ७८ रन जोडे । उनले ७० बलको सामना गर्दै ६ चौका र ३ छक्का प्रहार गरे ।

प्रदेश १ का लागि पुष्प थापाले ३, सरोज बस्नेतले २ तथा कमल खत्री, फिर्दोस अन्सारी र मुकुन्द यादवले १-१ विकेट लिए ।

राशिद र सुरज चम्कँदा प्रदेश २ को बलियो योगफल

Latest News

Popular News

क्रिकेट

कर्णाली याक्सको आइकोनिक प्लेयर्समा विपिन

इंग्लिस बलर नाथन काठमाडौं गुर्खाजमा अनुबन्धित

विराटनगर किङ्सको जर्सी र एन्थम सार्वजनिक

चर्चित खेलहरु:

उपयोगी लिङ्कहरू

सम्पर्क

सामाजिक संजाल