6 years ago
June 1, 2019
काठमाडौं (हाम्रो खेलकुद) – तल्लोक्रमका युवा अलराउन्डर राशिद खानको आक्रमण ब्याटिङ र सुरज पटेलको उत्कृष्ट अर्धशतकमा प्रदेश २ ले प्रदेश १ विरुद्ध बलियो योगफल प्रस्तुत गरेको छ । प्रदेश २ ले निर्धारित ५० ओभरमा ९ विकेट गुमाउँदै २ सय ६५ रनको योगफल तयार पारेको छ ।
ओपनर हसीम अन्सारीले २० र हरिशंकर साहले ३१ रन जोड्दै प्रदेश २ लाइ बलियो सुरुवात दिलाएका थिए । त्यसपछि ब्याटिङमा आएका रवी शाह र विशाल सुस्लिङले पनि २०-२० रनको योगदान दिए । ३२ औं ओभरमा १३१-४ को स्थितिमा रहेका प्रदेश २ लाई सुरज पटेलले उकासेका थिए । कप्तान महबुब आलम १९ र विवेक यादव ४ रनमा आउट भएपछि राशिद क्रिजमा आएका थिए ।
राशिद र सुरजले सातौं विकेटका लागि ९ ओभरमा ६७ रनको साझेदारी गरेका थिए । राशिदले ३१ बलमा ४७ रन जोडे । उनले २ चौका र ५ छक्का प्रहार गरे । सुरजले नटआउट ७८ रन जोडे । उनले ७० बलको सामना गर्दै ६ चौका र ३ छक्का प्रहार गरे ।
प्रदेश १ का लागि पुष्प थापाले ३, सरोज बस्नेतले २ तथा कमल खत्री, फिर्दोस अन्सारी र मुकुन्द यादवले १-१ विकेट लिए ।
January 22, 2025
काठमाडौं(हाम्रो खेलकुद) – मलेसियामा जारी यु १९ महिला विश्व कपको जित्नै पर्ने खेलमा नेपालले अस्ट्रेलियासँग खेल्दैछ । नेपाल र अस्ट्रेलियाबिचको खेल मलेसियामा रहेको युकेएम क्रिकेट ओभलमा नेपाली समय अनुसार दिउँसो १२ः१५ बजे सुरु हुनेछ । नेपालले सुरुवाती दुवै खेल हारेको थियो । नेपाललाई सुपर सिक्सको सम्भावना कायमै राख्न अस्ट्रेलियामाथि जित बाहेकको विकल्प छैन । अस्ट्रेलियासँग […]
January 21, 2025
काठमाडौं(हाम्रो खेलकुद) – जय नेपाल कप क्रिकेटमा मंगलवार बंगलादेशको ढाका र मध्यपश्चिम विश्वविद्यालय विजयी भएका छन् । कीर्तिपुरस्थित टियु क्रिकेट मैदानमा भएको पहिलो खेलमा मध्यपश्चिम विश्वविद्यालयले भारतको दिल्ली विश्वविद्यालयलाई ६ विकेटले पराजित गरेको छ । ६० रनको सामान्य लक्ष्य मध्यपश्चिमले १०.३ ओभरमा ४ विकेट गुमाएर पूरा गर्यो । मध्यपश्चिमको जितमा दीपक डुम्रेले १६ बलमा २१ […]
January 21, 2025
काठमाडौं (हाम्रो खेलकुद)- नेपाली राष्ट्रिय क्रिकेट टोलीका स्टार खेलाडी सन्दीप लामिछाने लाई नेपाल क्रिकेट संघ (क्यान) ले कारबाही गरेको छ। क्यानले आयोजना गर्ने घरेलु कुनै पनि प्रतियोगिताको एक खेल खेल्न नपाउने गरि क्यानले सन्दीपलाई कारबाही गरेको हो। जय ट्रफी दौरान सन्दीपले नेपाली अम्पायरको क्षमतामा प्रश्न उठाउँदै पुस २६ गते सामाजिक सञ्जालमा असन्तुष्टी व्यक्त गरेका थिए। […]
