5 years ago
June 1, 2019
काठमाडौं (हाम्रो खेलकुद) – प्रधानमन्त्री कप एकदिवसीय क्रिकेट प्रतियोगिता अन्तर्गत विभागीय डर्बीमा नेपाल पुलिस क्लबले त्रिभुवन आर्मी क्लबविरुद्ध कमजोर ब्याटिङ प्रदर्शन गरेको छ । पुलिस ४९ औं ओभरमा अलआउट हुनुअघि १ सय ६१ रन मात्र जोड्न सक्यो ।
पहिलो ब्याटिङको निम्तो पाएको पुलिसले प्रतियोगितामा खराब सुरुवातको सिलसिलालाई निरन्तरता दिँदै २४ रनको स्थितिमा दुवै ओपनरसहित ३ विकेट गुमाएको थियो । सुनिल धमला ५, अमित श्रेष्ठ ४ र अनिलकुमार शाह १३ रनमा आउट भए । दिलिप नाथ र दीपेन्द्रसिंह ऐरीले ३७ रनको साझेदारी गरे । दिलिप १४ रनमा हुँदा साहब आलमको बलमा लामो सट प्रहार गर्ने धुनमा स्टम्पिङ आउट भए । लगत्तै दीपेन्द्र पनि २९ रन जोड्दै साहबको बलमा बोल्ड भए ।
पवन सर्राफ ७ र कुशल भुर्तेल ५ रनमा आउट हुँदा पुलिस ९४-७ को स्थितिमा पुगेको थियो । कप्तान मन्जित श्रेष्ठ र आरिफ शेखले आठौं विकेटका लागि ६० रनको साझेदारी गर्दै सम्मानजनक योगफलसम पुर्याए । आरिफले ५४ बलमा २ चौकासहित ३४ रन जोड्दै क्याच आउट भए । मन्जित श्रेष्ठ ६२ बलमा ३ चौका र १ छक्कासहित ३६ रनमा नटआउट रहे ।
आर्मीका लागि साहबले उत्कृष्ट बलिङ प्रदर्शन गर्दै १० ओभरमा २ मेडनसहित ३० रन खर्चेर ४ विकेट लिए । कारण केसीले २ विकेट लिँदा जितेन्द्र मुखिया, सुशन भारि र कुशल मल्लले १-१ विकेट लिए ।
November 19, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) टोली कर्णाली याक्सले विपिनप्रसाद शर्मालाई आइकोनिक प्लेयर्समा छनोट गरेको छ । ट्यालेन्ट हन्टबाट छनोट भएका ५ उत्कृष्ट खेलाडी मध्यबाट मंगलवार विपिनलाई आइकोनिक खेलाडीमा छनोट गरेको टोलीले जनाएको छ । आइकोनिक खेलाडी बनेसँगै विपिनले एनपिएलको पहिलो संस्करणमा कर्णाली याक्सको प्रतिनिधित्व गर्नेछन् । कर्णालीले ‘ट्यालेन्ट हन्ट’बाट विपिनसँगै मनिष थापा, […]
November 19, 2024
काठमाडौं (हाम्रो खेलकुद) – सिद्धार्थ बैंक नेपाल प्रिमियर लिग (एनपिएल) टोली काठमाडौं गुर्खाजले इंग्लिस बलर नाथन सावटरलाई अनुबन्ध गरेको छ । काठमाडौं स्पोर्ट्स डेभलपमेन्ट भेन्चर्सको स्वामित्वमा रहेको गुर्खाजले पाँचौ विदेशी खेलाडीको रुपमा नाथनलाई अनुबन्ध गरेको जनाएको छ । ३२ वर्षिय लेग स्पिनर नाथनले १ सय ४३ टि ट्वान्टी मा १ सय ५४ विकेट लिएका छन् […]
November 19, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर(एनपिएल) को टोली विराटनगर किङ्सले आफ्नो जर्सी तथा एन्थम सार्वजनिक गरेको छ । मंगलवार विराटनगरले एक कार्यक्रमका बीच टोलीको जर्सी तथा एन्थम सार्वजनिक गरेको हो । विराटनगरका मार्की खेलाडी सन्दीप लामिछानेले टोलीको जर्सी सार्वजनिक गरेका हुन् । कार्यक्रममा फेस अफ विराटनगर रचना रिमाल तथा टोलीका ब्रान्ड एम्बासडर कुशल पोखरेलको […]
