एजेन्सी – एकदिवसिय विश्कपअघि वार्मअप खेलमा अफगानिस्तानले इंग्ल्यान्डसँग लज्जास्पद हार बेहोरेको छ ।

घरेलु टोली इंग्ल्यान्डले अफगानिस्तानलाई ९ विकेटले पराजित गरेको हो । १ सय ६१ रनको लक्ष्य इंग्ल्यान्डले १ सय ९५ बल अगाडीनै १ विकेट गुमाएर पुरा गर्यो । सहज जित दिलाउन ओपनर जोसन रोयले ४६ बलमा ११ चौका र ४ छक्का सहित ८९ रनमा अविजित रहे । रोयले गुल्बदीन नाईबलाई छक्का हान्दै खेल जिताए ।

त्यस्तै जो रुटले ३७ बलमा ३ चौका सहित २९ रनमा नट आउट रहे । आठौं ओभरको दोस्रो बलमा मोहम्मद नाबीले विकेटकीपर रहमाथ शाहबाट स्टम्पिङ आउट गराउनु अघि जोनी बेयस्टोले २२ बलमा ७ चौका र १ छक्का सहित ३९ रन जोडे ।

त्यसअघि ओभलमा टस हारेर पहिला ब्याटिङ थालेको अफगानिस्तानले ३८.४ ओभरमा अल आउट हुँदै १ सय ६० रनमा समेटियो । अफगानिस्तानका लागि मोहम्मद नाबीले सर्वाधिक ४४ रनको महत्वपूर्ण योगदान दिए । अन्तिम विकेटका रुपमा आउट हुनु अघि नाबीले ४२ बलमा १ चौका र ३ छक्का प्रहार गर्दै रनको महत्वपूर्ण योगदान दिए । नाबीलाई जोफ्रा आर्चरले जोनी बेयस्टोबाट बाउन्डी लाईनमा उत्कृष्ट क्याच आउट गराएका थिए ।

३२.३ ओभरमा १२७–९ को कमजोर अवस्थामा पुगेको अफगानिस्तानलाई अन्तिम विकेटका लागि दवालत जद्रान र मोहम्मद शामीले ३३ रनको उत्कृष्ट साझेदारी गरेपछि अफगानिस्तान सम्मानजनक योगफलमा पुगेको हो । दवालतले १७ बलमा २ चौका र १ छक्का प्रहार गर्दै २० रनमा अविजित रहे ।

२४.४ ओभरमा ८–९२ को कमजोर अवस्थामा पुगेको अफगानिस्तानलाई मोहम्मद नाबी र अफ्तब आलमले नवौं विकेटको लागि ३५ रनको साझेदारी गर्दै उनिङ उसकासे । यी दुईबीचको साझेदारी जो रुटले ३३ ओभरको तेस्रो बलमा आदिल राशिदबाट अफ्तव आलमलाई ६ रनमा क्याच आउट गर्दै तोडेका थिए ।

ओपनर नुर अलीले ३० बटुले । १२ ओभरको चौथो बलमा बेन स्ट्रोक्सले बोल्ड आउट गर्नु अघि ३४ बलमा ५ चौका प्रहार गरे । ओपनर हज्रतुल्लाह जजाई ११, सामथ शाह ३,हसमतुल्लाह साहिदी १९,अस्गर अफगान १०,राशिद खान डक र कप्तान गुलबदीन नाइब १४ रनमा आउट भए ।

इंग्ल्यान्डका लागि जो रुटले ६ ओभरमा २२ रन खर्चेर ३ विकेट लिए । जोफ्रा आर्चरले ३,बेन स्ट्रोक्स र मोइन अलीको नाममा १ विकेट रह्यो ।