काठमाडौं (हाम्रो खेलकुद)– तेस्रो संस्करणको प्रधानमन्त्री कप एकदिवसिय राष्ट्रिय क्रिकेट प्रतियोगिताकोको उद्धघाटन कीर्तिपुर स्थित टियू क्रिकेट मैदानमा हुने भएको छ ।

राष्ट्रिय खेलकुद परिषद (राखेप) का सदस्य सचिव केशव कुमार विष्टले पीएम कपको उद्धघाटन टियू क्रिकेट मैदान कीर्तिपुरमा हुने जानकारी दिए । यद्यपी मुलपानीमा खेल भने हुने छ । यसअघि पीएम कपको उद्धघाटन मुलपानी क्रिकेट मैदानमा हुने बताईएको थियो । तर राखेपका सदस्य सचिव विष्टका अनुसार उद्धघाटन टियू मैदानमा हुने भएको छ । भोली मुलपानी मैदानमा नेपाल पुलिस क्लब र प्रदेश १ बीच खेल भने हुने छ । उद्धघाटन हुने टियू मैदानमा भोली त्रिभुवन आर्मी क्लव र प्रदेश २ बीच प्रतिस्पर्धा हुने छ ।

जेठ १० गते देखि २५ गते सम्म मुलपानी र टियु क्रिकेट मैदान कीर्तिपुरमा चल्ने प्रतियोगितामा ७ प्रदेश र तीन विभागिय गरि १० टोली रहेका छन् । सहभागी टोलीलाई दुई समूहमा विभाजन गरिएको छ । समुह ए मा एपीएफ,प्रदेश ५,प्रदेश ३,सुदुरपश्चिम र गण्डकी रहेका छन् । समुह बी मा त्रिभुवन आर्मी,नेपाल पुलिस,प्रदेश २,प्रदेश १ र कर्णाली प्रदेश रहेका छन् । त्यसै दिन टीयू मैदानमा आर्मी र प्रदेश २ बीच प्रतिस्पर्धा हुने छ ।

राउन्ड रोविन लिग पछि समूहका शीर्ष २ टोली सेमिफाइनल पुग्नेछन् । सेमिफाईनल खेल जेठ २२ र २३ गते हुने छ । २४ गते रेष्ट हुँदा २५ गते फाईनल हुने छ ।

प्रधानमन्त्री कपको विजेताले उपाधिसहित २० लाख रुपैयाँ प्राप्त गर्ने छ । दोस्रो हुने टोलीले १० लाख रुपैयाँ पाउनेछ । प्रतियोगिताकै उत्कृष्ट खेलाडीले मोटर साइकल पाउने छन् । त्यस्तै उत्कृष्ट ब्याट्सम्यान र बलरले समान ५० हजार प्राप्त गर्ने छन् । प्रतियोगितामा एक हातले क्याच लिने दर्शकले ५० हजार रुपैयाँ पाउने छन् ।