5 years ago
May 23, 2019
एजेन्सी – क्यारेबियन प्रिमियर लिग (सीपीएल) को ड्राफ्ट बुधबार राती लन्डनमा सम्पन्न भएको छ । जसमा नेपाली लेग स्पिनर सन्दीप लामिछानेलाई बार्बाडस ट्राइडेन्टसले महँगो मुल्यमा अनुबन्ध गरेको छ ।
बार्बाडसले पाँचौ राउण्डमा सन्दीपलाई अनुबन्ध गरेको हो । उक्त स्थानमा छानिने खेलाडीले कम्तिमा ७० हजार अमेरिकी डलर प्राप्त गर्ने छन् । ड्राफ्टमा कुल ५ सय ३६ खेलाडी रहेका थिए । जसमा ६ टोलीले १७-१७ खेलाडी गरि कुल १ सय २ जनालाई अनुबन्ध गरेका छन् ।
सन्दीप बाहेक नेपाली अन्य तीन युवा अलराउण्डर दिपेन्द्रसिंह ऐरी, तीव्र गतिका बलर सोमपाल कामी र मध्यक्रमका ब्याट्सम्यान रोहितकुमार पौडेललाई ड्राफ्टमा कुनै टोलीले अनुबन्ध गरेनन् । त्यस्तै अफगानिस्तानका लेग स्पिनर तथा टी ट्वान्टी क्रिकेटका नम्बर वान बलर राशिद खानलाई भने कुनै पनि टोलीले अनुबन्ध गरेनन् । राशिद खान यूरो टी ट्वान्टी सलाम २०१९ प्रतियोगिताको मार्की तथा आईकन खेलाडी हुनुको साथै यी दुई प्रतियोगिता जुधेको कारण कुनै टोलीले नभित्र्याएको अनुमान गरिएको छ ।
युरो टी ट्वान्टी प्रतियोगिता आगमी अगष्ट ३० देखी सेप्टेम्बर २२ सम्म आयरल्यान्ड, नेदरल्यान्ड र स्कटल्यान्डमा हुने बताईएको छ । यस संस्करणको सीपीएल आगमी ४ सेप्टेम्बर देखि १२ अक्टोबरसम्म वेस्टइन्डिजमा चल्नेछ ।
अघिल्लो सिजन उत्कृष्ट प्रदर्शन गर्दै उदीयमान प्रतिभा समेत घोषित सन्दीप भएका थिए । गतवर्ष सन्दीपले सेन्ट किट्स एण्ड नेभिस प्याट्रियट्सबाट खेल्दै ५ खेलमा ७ विकेट लिएका थिए । जसमा पारिश्रमीक ५ हजार अमेरिकी डलर थियो । एकै वर्षमा सन्दीपको पारिश्रमीकमा १४ गुणा बढेको हो । ७० हजार अमेरिकी डलर सन्दीपले अन्तर्राष्टिय फ्रेन्चाइज लिगमा प्राप्त गरेको हालसम्मकै उच्च पारिश्रमीक हो । सन्दीपको टोली बार्बाडसमा एलेक्स हेल्स, जेसन होल्डर, आसिफ अली, इमाद वासिम, वाहब रियाज, एलशे नर्श, शाई होप लगायतका स्टार खेलाडी रहेका छन् ।
November 19, 2024
काठमाडौं (हाम्रो खेलकुद) – एसीसी मेन्स यू१९ एसिया कपको तयारीस्वरूप कर्नाटक यू१९ विरुद्ध अभ्यास सिरिजको चौथो खेलमा नेपाल ५ विकेटले पराजित भएको छ । नेपालले प्रस्तुत गरेको १ सय ६ रनको लक्ष्य कर्नाटकले ३७ ओभरमा ५ विकेट गुमाउँदै पूरा गर्यो । कर्नाटकको जितसँगै सिरिज २-२ को बराबरीमा पुगेको छ । अन्तिम खेल विहीबार हुनेछ । […]
November 19, 2024
काठमाडौं(हाम्रो खेलकुद) – धनगढीको सुदूरपश्चिमाञ्चल एकेडेमी (एसपिए) सिद्धार्थ बैंक नेपाल प्रिमियर लिग (एनपिएल) टोली सुदुरपश्चिम रोयल्समा एजुकेसन पार्टनरका रुपमा आबद्ध भएको छ। सुदूरपश्चिमको शिक्षा क्षेत्रमा अलग पहिचान बनाएको एसपिए र सुदूरपश्चिमबीच एक कार्यक्रमकाबीच मंगलवार सम्झौता भएको हो । सम्झौता पत्रमा सुदूरपश्चिमका मालिक स्वतन्त्र प्रताप शाह र एसपिएका प्रबन्ध निर्देशक सुवास शाहीले हस्ताक्षेर गरेका थिए । […]
November 19, 2024
काठमाडौं (हाम्रो खेलकुद)- सिद्धार्थ बैंक नेपाल प्रिमियर लिग (एनपिएल) मा एनसेल ‘पावरड बाई’ प्रायोजकका रूपमा अनुबन्ध भएको छ। एनपिएलको व्यावसायिक अधिकार व्यवस्थापन गरिरहेको ब्रान्ड डिजिटल लजिक प्रा.लि. र क्यानको संयुक्त पहलमा यो महत्वपूर्ण प्रायोजन सम्झौता भएको बताइएको छ । ब्राण्ड लजिकले यसअघि एनपिएलको मुख्य प्रायोजकका रूपमा सिद्धार्थ बैंक लाई अनुबन्ध गरिसकिएको छ। नेपाल क्रिकेट संघ […]
