काठमाडौं (हाम्रो खेलकुद) – तेस्रो संस्करणको प्रधानमन्त्री कप एकदिवसिय राष्ट्रिय क्रिकेट प्रतियोगिताको लागि प्रदेश १ ले १४ सदस्यीय टोली घोषणा गरेको छ ।

जेठ १० गते देखि २५ गते सम्म मुलपानी र टीयू क्रिकेट मैदान कीर्तिपुरमा हुने प्रतियोगिताको लागि प्रदेश १ ले मंगलबार पुष्प थापाको कप्तानीमा १४ सदस्य टोली घोषणा गरेको हो । घोषणा टोलीमा हिटर सिद्धान्त लोहनी पनि छन् ।

प्रतियोगितामा ७ प्रदेश र तीन विभागिय गरि १० टोलीको सहभागिता रहनेछ । सहभागी टोलीलाई दुई समूहमा विभाजन गरिएको छ । समुह ए मा एपीएफ, प्रदेश ५, प्रदेश ३, सुदूरपश्चिम र गण्डकी रहेका छन् । समुह बी मा त्रिभुवन आर्मी, नेपाल पुलिस, प्रदेश २, प्रदेश १ र कर्णाली प्रदेश रहेका छन् । उद्धघाटन खेल जेठ १० गते मुलपानी मैदानमा नेपाल पुलिस क्लब र प्रदेश १ बीच हुनेछ ।

प्रदेश १ ले आफ्नो दोस्रो खेल जेठ ११ मा प्रदेश २ सँग मुलपानीमै प्रतिस्पर्धा गर्ने छ । त्यस्तै जेठ १३ मा टियू मैदानमा नेपाल आर्मीसँग भिड्ने छ । जेठ १६ मा टियूमै कर्णाली प्रदेशमा भिड्दा समुहको शीर्ष दुईमा पर्न सके सेमिफाईनलको यात्रा तय गर्ने छ । गत वर्ष प्रदेश १ ले ४ खेलमा ३ मा हार र १ मा जितका साथ समुह चरणबाटै बाहिरिएको थियो ।

पीएम कप खेल्ने प्रदेश १ को १४ सदस्य टोली :
१. पुष्प थापा (कप्तान)
२. सिद्धान्त लोहनी
३. मिनाश थापा
४. मुकुन्द यादव
५. श्रवण यादव
६. राजन मगर
७. दिपेश कँडेल
८. फिर्दोस अन्सारी
९. सरोज बस्नेत
१०. अंकित सुवेदी
११. सन्नी पुन
१२. अभ्यास तिम्सिना
१३. कमल खत्री
१४. रवि राय

प्रशिक्षक – महेश रिजाल
टिम प्रशिक्षक – राजेश पोखरेल
टिम ब्यवस्थापक – विप्लव घोष