काठमाडौं (हाम्रो खेलकुद)– तेस्रो संस्करणको प्रधानमन्त्री कप एकदिवसिय राष्ट्रिय क्रिकेट प्रतियोगिताको खेल तालिका, प्रायोजक र जर्सि सार्वजनिक भएको छ । पीएम कप फेरि सरेको छ ।

यसअघि जेठ ८ गतेबाट हुने भनिएपनि अब जेठ १० गते देखी २५ गते सम्म मुलपानी र टियु क्रिकेट मैदान क्रिकेट मैदानमा कीर्तिपुरमा हुने छन् । त्यसअघि जेठ १ देखि प्रतियोगिता हुने तय गरिएको थियो । पीएम कपलाई एक्सपर्ट एजुकेशन एण्ड भिसा सर्भिसले मुख्य प्रयोजन गर्ने भएको छ । प्रयोजन बापत एक्सपर्टले कति रकम दिएको भन्ने खुलाउन चाहेन । योसँगै अव एक्सपर्ट पीएम कप नाम रहने छ ।

शनिवार काठमाडौंमा एक कार्यक्रम गर्दै आयोजक राष्ट्रिय खेलकुद परिषद (राखेप) को आयोजना र नेपालय इन्टरनेसनल प्रा.लिकोले खेल तालिका र जर्सि पनि सार्वजनिक गरेका हुन् । घोषणा कार्यक्रममा नेपाली राष्ट्रिय क्रिकेट टोलीका कप्तान पारस खड्का, राष्ट्रिय खेलकुद परिषद नेपाल (राखेप) का सदस्य सचिव केशव कुमार विष्ट,नेपालयका सिईओ आशीष प्रसाईं लगाएतका थिए । जर्सि सार्वजनिक कार्यक्रममा नेपाल प्रहरीका कप्तान मञ्जित श्रेष्ठ, सशस्त्र प्रहरी बलका उप कप्तान पृथु वास्कोटा, नेपाली आर्मीका कप्तान विनोद भण्डारी, प्रदेश तीनका कप्तान पारस खड्काले गरेका थिए ।

प्रतियोगितामा ७ प्रदेश र तीन विभागिय गरि १० टोलीको सहभागिता रहनेछ । सहभागी टोलीलाई दुई समूहमा विभाजन गरिएको छ । समुह ए मा एपीएफ,प्रदेश ५,प्रदेश ३,सुदुरपश्चिम र गण्डकी रहेका छन् । समुह बी मा त्रिभुवन आर्मी,नेपाल पुलिस,प्रदेश २,प्रदेश १ र कर्णाली प्रदेश रहेका छन् । उद्धघाटन खेल जेठ १० गते मुलपानी मैदानमा नेपाल पुलिस क्लब र प्रदेश १ बीच हुनेछ । त्यसै दिन टीयू मैदानमा आर्मी र प्रदेश २ बीच प्रतिस्पर्धा हुने छ । राउन्ड रोविन लिग पछि समूहका शीर्ष २ टोली सेमिफाइनल पुग्नेछन् । सेमिफाईनल खेल जेठ २२ र २३ गते हुने छ । २४ गते रेष्ट हुँदा २५ गते फाईनल हुने छ ।

नेपाली राष्ट्रिय टोलीका कप्तान पारस खड्काले अघिल्लो दुई वर्ष आफु विदेशमा भएको कारण खेल्न नपाउनु दुर्भाग्य रहेको बताए । पारसले ट्वान्टी प्रतियोगिताई भई रहेको र ओडीआई मान्यता पाएको अवस्थामा यस प्रतियोगिताको नेपाली क्रिकेटमा आवश्यक रहेको छ । त्यस्तै पारसले पीएम कप युवा खेलाडीलाई क्षमता देखाउने राम्रो अवसर रहेको बताए । पारसले दुभाग्यपूर्ण आफु दुई संस्करण खेल्न नपाएपनि यो पटक खेल्न आतुर रहेको बताए । पारसले यस पटक प्रदेश नम्बर तीनबाट प्रधानमन्त्रीकप क्रिकेट खेल्ने छन् ।

प्रधानमन्त्री कपको विजेताले उपाधिसहित २० लाख रुपैयाँ प्राप्त गर्ने छ । दोस्रो हुने टोलीले १० लाख रुपैयाँ पाउनेछ । प्रतियोगिताकै उत्कृष्ट खेलाडीले मोटर साइकल पाउने छन् । त्यस्तै उत्कृष्ट ब्याट्सम्यान र बलरले समान ५० हजार प्राप्त गर्ने छन् ।

प्रतियोगितामा एक हातले क्याच लिने दर्शकले ५० हजार रुपैयाँ पाउने छन् । १ करोड ७५ लाख रुपैयाँ खर्च हुने अनुमान गरिएको छ । गत वर्ष नेपाल एपिएफ क्लबले त्रिभुवन आर्मी क्लबलाई ६ विकेटले हराउँदै उपाधि जितेको थियो ।