एजेन्सी – पाँच ओडीआई सिरिज अन्तर्गत चौथो खेलमा पाकिस्तानले घरेलु टोली इंग्ल्यान्डलाई ३ सय ४१ रनको विशाल लक्ष्य दिएको छ । टस हारेर पहिला ब्याटिङ थालेको पाकिस्तानले निर्धारित ५० ओभरमा ७ विकेटको गुमाउँदै ३ सय ४० रन बनायो ।

पाकिस्तानका लागि बाबर आजमले उत्कृष्ट शतकीय पाली खेले । बाबरले १ सय १२ बलमा १३ चौका र १ छक्का प्रहार गर्दै १ सय १५ रन बटुले । बाबरलाई ४० औं ओभरको चौथो बलमा टम कुरनले जोफ्रा आर्चरबाट क्याच आउट गराए ।

मोहम्मद हफिजले ५५ बलमा ३ छक्का र २ चौका सहित ५९,फकार जमान ५७,आशिफ अलि १७ र इमाद वासिम १२ रनमा आउट भए । जमानले ५० बलमा ५ चौका र २ छक्का प्रहार गरे । सोएव मालिक ४१,हसन अली १ रनमा आउट हुँदा कप्तान सरफराज अहमिद २१ रनमा अविजित रहे ।

इंग्ल्यान्डका लागि टम करनले १० ओभरमा ७५ रन खर्चेर ४ विकेट लिए । त्यस्तै मार्क उडले २ र जोफ्रा आर्चरको नाममा १ विकेट रह्यो ।