एजेन्सी – त्रिकोणीय सीरीज अन्तर्गत आयरल्यान्डसँगको खेलमा वेस्ट इन्डिजले शनिवार राती कीर्तिमानी जित हात पारेको छ । वेस्ट इन्डिजले आयारल्यान्डलाई ५ विकेटले पराजित गर्याे । ३ सय २८ रनको विशाल लक्ष्य पछ्याएको वेस्ट इन्डिजले ४७.५ ओभरमा ५ विकेट गुमाउँदै उक्त लक्ष्य पुरा गरेपछि नयाँ कीर्तिमान कायम भएको हो ।

वेस्ट इन्डिजले ओडीआईमा पछ्याएको यो लक्ष्य अहिले सम्मकै उच्च हो । विशाल लक्ष्य सहज रुपमा हात पार्न उसका लागि ओपनर सुनील एम्ब्रिसले सानदार शतक प्रहार गरे । आयारल्यान्डका बलरलाई निरन्तर दवावमा राखेका एम्ब्रिसले १ सय २६ बलको सामना गरि १९ चौका र १ छक्का सहित १ सय ४८ रनको महत्वपूर्ण योगदान दिए ।

वेस्ट इन्डिजका अन्य साई होप ३०, रोस्टन चेज ४६, जेसन होल्डर ३६, डरेन ब्राभो १७ र जोनाथन कार्टरले ४३ रन बटुले । आयरल्यान्डका बोयड रनकिनले ३,पल स्टरर्लिङ र जोशुआ लिटिलले समान १ विकेट लिए ।

त्यसअघि डबलिनमा टस जितेर पहिला ब्याटिङ थालेको घरेलु टोली आयरल्यान्डले निर्धारित ५० ओरभरमा ५ विकेट गुमाउँदै ३ सय २७ रन बनाएको थियो । उसका लागि एंड्रयू बलबिरनीले १ सय ३५ रनको उत्कृष्ट शतकीय पाली खेले पनि आयरल्यान्डको जित संभव भएन । उनले १ सय २४ बलमा ११ चौका र ४ छक्का प्रहार गरे ।

त्यस्तै पल स्टरर्लिङले ९८ बलमा ८ चौका र २ छक्का सहित ७७,केभिन ओब्राभएनले ४० बलमा समान ३ छक्का र चौका सहित ६३,मार्क आदिरले २५ रनको योगदान दिए । वेस्ट इन्डिजका शैनन गेब्रियलले २,होल्डर,शेल्डन कटरेल र कार्टरले समान १ विकेट हात पारे । आयरल्यान्ड,बंगलादेश र वेस्ट इन्डिजबीच त्रिकोणात्मक सिरिज भई रहको छ ।