एजेन्सी – नेपाली लेग स्पिनर सन्दीप लामिछाने आईतबार इन्डियन प्रिमियर लिग (आईपीएल) खेलेर नेपाल फर्किदै छन् । सन्दीप सम्मिलित दिल्ली क्यापिटल्स शुक्रबार चेन्नई सुपर किंग्ससँग दोस्रो क्वालिफायरमा पराजित भएपछि उनी आईतबारनै स्वदेश फर्किन लागेका हुन् ।

सन्दीपले यस सिजनको आईपीएलमा ६ खेलमा २३ ओभर बलिङ गर्दै २ सय १० रन खर्चिदा ८ विकेट लिए । सन्दीपको ईकोनमी ९.१३ को रनमा रह्यो । टी ट्वान्टीमा यो ईकोनमी रेट त्यति खराव होइन । तर पनि सन्दीपबाट आसा गरेको भन्दा यो खराव प्रर्दशन भने हो ।

पछिल्लो एक वर्षमा निरन्तर अन्तर्राष्ट्रिय फेन्चाईज लिग र राष्ट्रिय टोलीबाट उत्कृष्ट प्रर्दशन गरेका सन्दीपले आईपीएलमा अपेक्षा अनुसारको प्रर्दशन गर्न सकेनन् । सुरुवाती दुई खेलमा सन्दीपलाई दिल्लीले बेन्चमा राखेपनि अन्य खेलमा प्रमाणित गर्ने मौका दिएको थियो । तर सन्दीपले आफुले पाएको अवसर सदुपयोग गर्न नसक्दा ६ खेल मात्र खेल्ने मौका पाए ।

सम्रगमा सन्दीपको आईपीएल प्रर्दशन

सन्दीपलाई दिल्लीले कोलकता नाईट राइडर्सविरुद्ध मौका दिएको थियो । उक्त खेलमा सन्दीपले ४ ओभरमा २९ रन खर्चेर १ विकेट लिदै यस सिजनको आईपीएलको सुरुवात गरेका थिए । उक्त खेलमा निखिल नाईक  सन्दीपको एलबीडब्लू शिकार बने । पन्जावबीरुद्ध सन्दीपले ४ ओभरमा २७ रन खर्चिदा साम कुरन र सरफराज खानलाई आफ्नो शिकार बनाए । हैदरवादबीरुद्ध सन्दीपले ३२ रन खर्चेर १ विकेट लिदै मध्यम प्रर्दशन गरे । सन्दीपले दिपक हुड्डाको विकेट लिएका थिए ।

बेंगलोरबीरुद्ध १ विकेट लिन ४६ रन खर्चे पछि दिल्लीले सन्दीपलाई केहि खेलमा पुन बेन्चमा राख्यो । पन्जावविरुद्ध फिरोज शाह कोटलामा ४० रन खर्चेर क्रिस गेल,केएल राहुल र साम करन जस्ता स्टार खेलाडीको विकेट लिन सफल भए । उक्त खेलमा सन्दीप एफबीबी स्टाईलिस प्लेयर अफ द म्याच समेत घोषित भए । तर बेंगलोरबीरुद्ध २८ अप्रिलमा घरेलु मैदानमै ३ ओभरमा ३६ रन खर्चेरपछि दिल्लीले सन्दीपमाथि पुन विश्वास देखाएन ।

मे १ मा चेन्नईविरुद्ध सन्दीप टसको समय दिल्लीको टोलीमा रहेपनि मैदानमा भने उनको स्थानमा क्रिस मोरिस मैदान उत्रेका थिए । के कारणले सन्दीपको स्थानमा मोरिस मैदान उत्रेका हुन् भन्ने अझैं खुल्न सकेको छैन । त्यसयता सन्दीपले कुनै खेलमा मौका पाएनन् । पाएको अवसरमा राम्रो प्रदर्शन गरेका सन्दीपले पर्याप्त अवसर नपाएको कारण नै धेरै विकेट लिन सकेनन् ।

पीएम कप खेल्ने नखेल्ने अन्यौल

सन्दीपले पछिल्लो एक वर्ष निरन्तर राष्ट्रिय र अन्तर्राष्ट्रिय फेन्चाईज लिग खेलि रहेका छन् । उनलाई राष्ट्रिय र अन्तर्राष्ट्रिय फेन्चाईज लिग खेल्न भ्याई नभ्याई छ । त्यस्तै जेठ १ गते देखी प्रधानमन्त्री कप क्रिकेट सुरु हुँदै छ । यो समयमा सन्दीपको कुनै पनि अन्तर्राष्ट्रिय लिग नझुधेको हुँदा उनी पीएम कप खेल्छन् वा खेल्दैनन् भन्ने सबैको चाखको विषय बनेको छ ।

निरन्तर अन्तर्राष्ट्रिय लिगमा दौड धुप गरेका सन्दीप केहि समय आराम पनि गर्न सक्ने संभवना पनि त्यतिकै छ । जसको लागि पीएम कप नखेल्न सक्छन् । सन्दीपको व्यवस्थापन हेर्दै आएका रमन शिवाकोटीका अनुसार सन्दीप पीएम कप खेल्ने वा नखेल्ने भन्ने अझै अनिश्चित छ ।