एजेन्सी – बलिङ अलराउण्डर क्रिस मोरिसले मे ३० देखी इंग्ल्यान्ड र वेल्समा संयुक्त रुपमा आयोजना हुने एक दिवसिय विश्वकपको लागि दक्षिण अफ्रिको टोलीमा मौका पाएका छन् ।

क्रिकेट साउथ अफ्रिकाले मंगलबार ट्वीट गर्दै तीव्र गतिका बलर एनरिच नोर्टजे घाईते भएपछि उनको स्थानमा मोरिसलाई मौका दिएको जनाएको छ । यस अघि विश्वकपको लागि १५ सदस्य घोषणा टोलीमा मोरिस अटाएका थिएनन् ।

मोरिसले हाल इन्डियन प्रिमियर लिग(आईपीएल)मा दिल्ली क्यापिटल्सबाट खेलि रहेका छन् । विश्वकप टोलीमा परेसँगै उनि दक्षिण अफ्रिका फर्किन्छन् वा आईपीएल खेल्छन् भने अनिश्चत छ । मोरिस विश्वकपको लागि दक्षिण अफ्रिका फर्किए आईपीएलमा नेपाली लेग स्पिनर सन्दीप लामिछानेलेलाई फाईदा हुने छ । दिल्लीले प्राय मोरिस खेलेको खेलमा सन्दीपलाई खेलाएको छैन । दिल्लीले एलिमिनिटर खेल बुधबार सनराइजर्स हैदरावादसँग खेल्ने छ ।

मोरिसले दक्षिण अफ्रिकाबाट ३४ वान डे खेलमा ३५ विकेट लिएका छन् भने ३ सय ९३ रन बनाएका छन् । दक्षिण अफ्रिका विश्वकप अघि ठूलो समस्या छ । उसका अन्य तीन तीब्र गतिका बलर कागिसो रबाडा, लुन्गी निडी र डेल स्टेन पनि घाईते छन् । विश्वकप अघि फिट हुन्छन् वा हुँदैनन् भन्ने अफ्रिकालाई ठूलो चिन्ता छ । विश्वकपमा दक्षिण अफ्रिकाले पहिलो खेल मे ३० मा इंग्ल्यान्डसँग खेल्दै सुरुवात गर्ने छ ।

विश्वकपको लागि दक्षिण अफ्रिको १५ सदस्य टोली :

फाफ डु प्लेसिस (कप्तान), हसिम अमला, क्विन्टन डी कक, जेपी ड्युमिनी, एडेन मार्कराम, डेविड मिलर, लुन्गी निडी, क्रिस मोरिस, एन्डिले फेलुक्वायो, ड्वेन प्रिटोरियस, कागिसो रबाडा, तबरेज शम्सी, इमरान ताहिर, डेल स्टेन, रस्सि भान डर दुसेन