5 years ago
May 6, 2019
काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान पारस खड्का झन्डै ६ महिना पछि घरेलु क्रिकेटमा फर्कने भएका छन् । पारसले अर्को महिना राजधानीमा सुरु हुने प्रधानमन्त्री कप एक दिवसिय राष्ट्रिय क्रिकेट प्रतियोगिताको तेस्रो संस्करण खेल्ने भएका छन् ।
प्रधानमन्त्री कप जेठ १ गते देखि कीर्तिपुरस्थित त्रिवि मैदानमा सञ्चालन हुँदैछ । उनले पछिल्लो पटक पुसमा भएको एभरेष्ट प्रिमियर लिग (इपिएल) विराटनगर वारियर्सबाट खेलेका थिए । फागुनमा भएको धनगढी प्रिमियर लिग (डिपिएल) भने उनले खेलेका थिएनन् । यसै महिना नेपालगन्जमा सम्पन्न आठौ राष्ट्रिय खेलकुदमा पनि पारस व्यक्तिगत कारणले अनुपस्थित रहेका थिए ।
प्रधानमन्त्री कप पनि उनले पहिलो पटक खेल्न लागेका हुन् । पछिल्लो दुइ संस्करण देश बाहिर रहेका कारण खेल्न नपाएको पारसले हाम्रो खेलकुदलाई बताएका छन् । पारसले यसपटक प्रदेश नम्बर ३ बाट प्रधानमन्त्री कप क्रिकेट खेल्ने जानकारी दिए ।
‘आठौं राष्ट्रिय खेलकुद पनि व्यक्तिगत कारणले खेल्न पाएको थिइंन’, उनले भने,‘ यसपटक भने खेल्ने तयारीमा छु । ’ प्रधानमन्त्री कप आयोजनाका विषयमा आइतबार पत्रकार सम्मेलनमा राष्ट्रिय खेलकुद परिषद् (राखेप) का सदस्य सचिव केशवकुमार विष्टले राष्ट्रिय टोलीका खेलाडीले प्रधानमन्त्री कप खेल्नुपर्ने बताएका थिए ।
‘म यसपटक पीएम कप खेल्ने छु । परिषदले अनिवार्य खेल्नुपर्छ भन्नु स्वभाविक हो । हरेक आयोजकलाई राष्ट्रिय खेलाडी प्रतियोगितामा खेलोस् भन्ने हुन्छ ,’ उनले भने,‘ अघिल्ला दुई संस्करण म देश बाहिर रहँदा खेल्न पाईंन । तर यसपटक म एपीएफबाट भने खेल्ने छैन, प्रदेश ३ को प्रतिनिधित्व गर्नेछु ।’
लामो समय एपिएफबाट खेलेका पारसले यसपटक भने प्रदेशबाट खेल्न लागेका हुन् । ‘प्रदेशको संरचना बलियो बनाउन म प्रदेश ३ बाट खेल्न लागेको हुँ । एपीएफबाट मेरो सम्झौता पनि तीन वर्ष अघि नै सकिएको छ’ , उनले भने,‘ सम्झौता थप्ने कुरा त भइरहेको थियो । अहिले एपीएफमा युवा खेलाडी आएका छन् र ती खेलाडीले मौका पाउन भनेर मैले सम्झौता गरिन ।’
पारसले पछिल्लो पटक एपीएफबाट वि.सं. २०७३ मा विराटनगरमा भएको सातौं राष्ट्रिय खेलकुद खेलेका थिए । जसमा एपीएफले स्वर्ण पदक जितेको थियो । प्रधानमन्त्री कपमा ७ प्रदेश र तीन विभागिय गरि १० टोलीको सहभागिता रहनेछ । सहभागी टोलीलाई दुई समूहमा विभाजन गरिएको छ । राउन्ड रोविन लिग पछि समूहका शीर्ष २ टोली सेमिफाइनल पुग्नेछन् ।
प्रधानमन्त्री कपको विजेताले उपाधिसहित २० लाख रुपैयाँ प्राप्त गर्ने छ । दोस्रो हुने टोलीले १० लाख रुपैयाँ पाउनेछ । प्रतियोगिताकै उत्कृष्ट खेलाडीले मोटर साइकल पाउने छन् । त्यस्तै उत्कृष्ट ब्याट्सम्यान र बलरले समान ५० हजार प्राप्त गर्ने छन् । प्रतियोगितामा एक हातले क्याच लिने दर्शकले ५० हजार रुपैयाँ पाउने छन् ।
September 20, 2024
काठमाडौं (हाम्रो खेलकुद) – युएईले आईसीसी क्रिकेट विश्वकप लिग टु मा पहिलो जित हात पारेको छ। युएईले शुक्रवार नामिबियामाथि १ विकेटको जित हात पारेको छ । विन्डोहकमा ३ सय १४ रनको लक्ष्य युएईले ४९.३ ओभरमा ९ विकेट गुमाउँदै पूरा गरेको थियो । युएईका बिष्णु सुकुमारनले सर्वाधिक ९७ रन जोडे । उनले ९० बलमा ८ चौका […]
September 20, 2024
एजेन्सी – भारत बंगलादेशविरुद्धको पहिलो टेस्टको दोस्रो इनिङमा फराकिलो अग्रतातर्फ अघि बढेको छ । दोस्रो दिन शुक्रवार को खेल सकिदा भारतले ३ सय ८ रनको अग्रता बनाएको छ । दुई खेलको टेस्ट सिरिजका लागि बंगलादेश टोली भारत भ्रमणमा छ । पाहुना टोलीले १ सय ४९ रन मात्र बनाएपछि पहिलो इनिङमा २ सय २७ रनले पछि […]
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]
