एजेन्सी – पाकिस्तानसँगको एक मात्र टी ट्वान्टी खेलमा घरेलु टोली इंग्ल्यान्डले सहज जित निकालेको छ । आईतबार राती सम्पन्न खेलमा इंग्ल्यान्डले पाकिस्तानलाई ७ विकेटले हराएको हो । १ सय ७४ रनको विजयी लक्ष्य इंग्ल्यान्डले ४ बल अगाडीनै ३ विकेटको क्षतिमा पुरा गर्यो ।

इंग्ल्यान्डका कप्तान ओइन मोर्गनले २९ बलमा ५ चौका र ३ छक्का सहित ५७ रनमा अविजित रहे । जेम्स भिन्स ३६, जो रुट ४७ रनमा आउट हुँदा जो डेनली २० रनमा अविजित रहे । पाकिस्तानका लागि हसन अली,इमाद वासिम र शाहिद साह अफ्रिदीले समान १ विकेट लिए ।

त्यस अघि जितेर पहिला ब्याटिङ थालेको पाकिस्तानले निर्धारित २० ओभरमा ६ विकेट गुमाउँदै १ सय ७३ रन बनाएको थियो । पाकिस्तानका लागि ओपनर बाबर आजमले ४२ बलमा ५ चौका र ३ छक्का सहित ६५,इमाद वासिम १८,फहिम असरार्फ १७,आसिफ अली ३,फकार जमान र इमाम उल हकले समान ७ रन जोडे । त्यस्तै ह्यारिस सोहेलले ३६ बलमा ५ चौका र १ छक्का प्रहार गर्दै ५० रनको योगदान दिए ।

इंग्ल्यान्डका लागि टी ट्वान्टी क्रिकेटमा यसै खेलबाट डेब्यू गरेका जोफ्रा आर्चरले २,टम करन र क्रिस जोर्डनले समान १ विकेट लिए । पाकिस्तान र इंग्ल्यान्डबीच अव पाँच ओडीआई सिरिजको हुने छ । पहिलो खेल आगमी बुधबार हुने छ ।