काठमाडौं (हाम्रो खेलकुद)– मनमोहन मेमोरियल क्रिकेट सेन्टरको आयोजनामा टियु मैदानमा जारी अन्तर प्रदेश यू१६(राष्ट्रिय क्रिकेट प्रतियोगिताको सेमिफाईनल समिकरण पूरा भएको छ । समुह ‘ए’ बाट सुदुरपश्चिम समूह विजेता र प्रदेश नम्बर ३ उप विजेता हुँदै सेमिफाइनल प्रवेश गरेका छन् ।

त्यस्तै समुह ‘बी’ बाट प्रदेश नम्बर २ विजेता र प्रदेश १ उप विजेता बनेका छन् । सोमबार पहिलो सेमिफाइनलमा सुदूरपश्चिमले प्रदेश १ सँग खेल्ने छ । दोस्रो सेमिफाइनलमा प्रदेश २ ले प्रदेश ३ को सामना गर्नेछ ।

टीयू मैदानमा आइतबार प्रदेश ३ ले टस जितेर ब्याटिङ गर्दै २७।५ ओभरमा अलआउट हुदै १ सय ३१ रन बनाएको थियो । प्रदेश ३ का क्रिस कार्कीले सर्वाधिक ४६ रनको योगदान दिए । ४४ बलको सामना गरेका उनले ६ चौका र १ छक्का प्रहार गरे ।

यस्तै सम्राट भुषालले २७ तथा विपिन बिक्रम शाहीले १६ रन बनाउनु बाहेक अन्य राम्रो प्रर्दशन गर्न सकेनन् । सुदूरपश्चिम प्रदेशका संदेश भट्ट र आशिष भट्टले समान ३(३ विकेट लिए । यस्तै वरलिन गिरीले २, गोबिन्द विष्ट र सचिन बदायाकले समान १ विकेट लिए ।

१ सय ३२ रनको विजयी लक्ष्य पछ्याएको सुदूरपश्चिम प्रदेशले २६।२ ओभरमा २ विकेट गुमाएर पुरा गर्यो । उसको जितमा सुवाश ऐरले ६१ रन बनाउदै सहज जिताए । ऐरले ४ चौका र १ छक्का प्रहार गरे ।

अरुण महरा ३६, दलाल ऐरले १० तथा संदेश भट्टले १५ रनको योगदान दिएका थिए । प्रदेश ३ का तिलक भण्डारी र दिपक बोहराले समान १ विकेट लिए । त्यस्तै पहिलो खेलमा प्रदेश नम्बर दुई ले ५ लाई १६ रनले हराउँदै सेमिफाइनलमा प्रवेश गरेको थियो ।