काठमाडौं (हाम्रो खेलकुद) – नेपाली क्रिकेट समर्थक समाज (एनसिएसएस) स्वर्गिय प्रमोद बज्राचार्य दोस्रो राष्ट्रिय सेवा सम्मान नेपाली महिला टोलीकी युवा खेलाडी कविता कुवँरलाई प्रदान गरेको छ ।

काठमाडौंमा आयोजित कार्यक्रम गर्दै कवितालाई २५ हजार रुपैयाँसहित सम्मान गरेको हो । एनसिएसएस अध्यक्ष विराज घिमिरेले कवितलाई चेक हस्तान्तरण गर्दै समान्न गरे । एनसिएसएस पूर्व कोषाध्यक्ष प्रमोद बज्राचार्यको गर्त वर्ष निधन भएको थियो । बज्राचार्यको स्मृतिमा अघिल्लो वर्ष एनसीएसएसले यो सम्मान युवा खेलाडी हरि बहादुर चौहानले प्रदान गरेको थियो ।
कविताले इमर्जिङ खेलाडीको रुपमा राष्ट्रिय सेवा सम्मानबाट सम्मानित भएकी हुन् । कविताले गत माघमा थाईल्यान्डमा सम्पन्न टी ट्वान्टी स्म्यास,फागुनमा आईसीसी वुमन्स विश्वकप छनोटमा उत्कृष्ट प्रर्दशन गरेकी थिन् । टेक्निकल कमिटीमा समाजका अध्यक्ष घिमिरे,महिला टोलीका प्रशिक्षक विनोद दास र नेपाल खेलकुद पत्रकार मन्चका अध्यक्ष देवेन्द्र सुवेदीले यो सम्मानमा कवित,अप्सरी बेगम र विन्दु रावल मनोनयनमा गरेका थिए ।
कविताले सम्मानपछि बोल्दै खुसी लागेको बताइन् । एनसीएसएसले विनोद नेपाललाई वेस्ट भोल्युन्टरबाट सम्मान गरेको छ । संस्थापक उपाध्यक्ष समेत रहेका विनोदले एनसीएसएस सिन्धुपाचोकलाई अघि बढाउन महत्वपूर्ण भुमिका खेलेको भन्दै समाजले सम्मान गरेको हो । यस्तै कार्यक्रममा नेपाली महिला टोलीका प्रमुख प्रशिक्षक विनोद दासले स्व प्रमोद बज्राचार्य कोषलाई १० हजार सहयोग गरे । कोषमा दुई लाख रहेको बतार्ईएको छ ।