एजेन्सी- इन्डियन प्रिमियर लिग (आईपीएल)मा किंग्स इलाभेन पन्जावलाई प्रतिबन्ध लाग्न सक्ने खतरा बढेको छ ।

पन्जावका सह मालिक तथा उद्योगपति नेस वाडिया जापानमा २५ ग्राम ड्रग्सका साथ प्रकाउ परेपछि उनलाई २ वर्ष जेलको सजाए मिलेको छ । आईपीएलको आचारसंहिता अनुसार फ्रेन्चाइजमा जोडिएका व्यक्तिले अवैधानीक र खेललाई बदनाम हुने गरि कुनै कार्य गर्न मिल्दैन । त्यसो गरेमा उक्त टिम पनि निलम्बनमा पर्न सक्ने भारतीय मिडियाहरुले जनाएका छन् । यसै विषयलाई लिएर शुक्रबार मुम्बईमा भारतीय क्रिकेट कन्ट्रोल बोर्ड(बीसीसीआई) को बैठक बस्दैछ ।

प्ले अफको लागि संघर्ष गरि रहेको पन्जावलले आज कोलकता नाइट राइडर्ससँग खेल्दै छ । खेल नेपाली समय अनुसार बेलुका ८ :१५ देखी चण्डीगढमा सुरु हुने छ । प्ले अफको अंक गणीतिय संभावना कायमै राख्न दुबै टोलीलाई आजको खेल जित्नुपर्ने हुन्छ ।

आजको खेलमा पराजित हुने टोलीको अघिल्लो चरणको यात्रा कठिन देखिन्छ । जारी आईपीएलमा कोलकता १२ खेलमा ५ मा जित र ७ खेलमा पराजित हुँदै छैटौं स्थानमा छ । त्यस्तै पन्जाव समान खेलमा समान नतिजाका साथ सातौ स्थानमा छ । शीर्ष स्थानमा रहेको चेन्नइ सुपर किंग्स,दोस्रो स्थानमा रहेको मुम्बई इन्डियन्स र तेस्रो स्थानमा रहेको दिल्ली क्यापिटल्स प्ले अफमा पुगि सकेका छन् ।

रोयल च्यालेन्जर्स बेंगलोर लिग चरण बाहिरी सक्दा,सनराइजर्स हैदरावाद,राजस्थान रोयल्स,पन्जाव र कोलकता मध्य एक टोलीले प्ले अफमा स्थान बनाउने छन् ।