काठमाडौं – क्विन्स इभेन्ट म्यानेजमेन्ट प्राइभेट लिमिटेडले आयोजना गर्ने वुमन्स च्याम्पियन्स लिग (डब्लुसिएल) टी ट्वान्टी लिग फेरी सर्ने भएको छ । आयोजकले बिहीबार एक प्रेस विज्ञप्ती जारी गर्दै डब्लुसिएल असोज ३ गतेदेखि ११ गते सम्म कीर्तिपुरस्थित त्रिवि मैदानमा हुनेछ ।

यसअघि पनि मिति सारिएको थियो । पछिल्लो पटक जेठ ३ देखि ११ गते सम्म प्रतियोगिता हुने बताइएको थियो ।
डब्लुसिएलमा ललितपुर फाल्कोन्स,पोखरा पल्टन,क्यापिटल्स रोयल्स काठमाडौं,चितवन राइनोज र विराटनगर टाइन्टस गरि ५ ले प्रतिस्पर्धा गर्नेछन् ।

डब्लुसिएल खेल्न चाहने खेलाडीका लागि बिहिबारदेखि आवेदन खुल्ला गरिएको बताइएको छ । खेलाडी वैशाख २५ गते सम्म आवेदन भर्ना गर्न पाउनेछन् । आयोजकले खेलाडीहरूलाई डायमण्ड, सफायर, रुबिज र वाइल्डकार्ड इन्ट्री गरी चार श्रेणीमा विभाजन गरेको छ । डायमण्ड श्रेणीमा अहिले राष्ट्रिय टोलीबाट खेलिरहेका खेलाडीहरू पर्ने छन् ।

यस्तै रुबिजमा राष्ट्रिय टोलीबाट कुनै पनि अन्तर्राष्ट्रिय खेलमा प्रतिनिधित्व गरिसकेका र सफायरमा क्षेत्र वा प्रदेशबाट राष्ट्रिय प्रतियोगिता खेलेका खेलाडी पर्ने छन्। वाइल्ड कार्ड इन्ट्रीमा ट्यालेन्ट हन्टमार्फत छनोट भएर आएका खेलाडी पर्ने छन् । प्रतियोगितामा सहभागी प्रत्येक टोलीले दुई जना वाइल्ड कार्ड इन्ट्रीका खेलाडीलाई समावेश गर्नुपर्नेछ ।

सहभागी टोली मध्ये ललितपुरको मालिकमा श्रीजना जोशी रहेकी छन् । जुन ललितपुर फाल्कोन्सको स्वामित्वमा रहनेछ । त्यस्तै पोखरा पल्टन प्रा। लि। को स्वामितवमा रहेको पोखराको टोलीमा विनायक पोखरेल (अध्यक्ष), काठमाडौंको दिपा अग्रावाल ( प्रबन्ध निर्देशक) जेफोर स्पार्टस,चितवन मिङमा डण्डु शेर्पा ९ प्रबन्ध निर्देशक० चितवन राइनोज प्रा. लि. र विराटनगरको पारस लुनिया (अध्यक्ष) रहेका छन् ।

राष्ट्रिय महिला टोलीकी सदस्य एवंम् पूर्व कप्तान नेरी थापा ललितपुरकी, सिता रानामगर पोखराकी, राष्ट्रिय टोलीकी कप्तान रुविना क्षेत्री काठमाडौंकी , इन्दु बर्मा चितवन र सरिता मगर विराटनगर मार्की खेलाडी हुन् ।