सुर्खेत(हाम्रो खेलकुद) – सुर्खेतमा जारी वाई वाई कर्णाली प्रिमियर लिग (केपीएल) मा सोमबार भएको खेलमा राष्ट्रिय खेलाडीले भरिएको त्रिभुवन आर्मी क्लब घरेलु टोली कर्णाली ११ सँग ११ रनले पराजित भएको छ ।

१ सय ५७ रनको लक्ष्य पछ्पाएको आर्मीले निर्धारित २० ओभरमा ८ विकेट गुमाउँदै १ सय ४५ रन मात्र बनाउन सक्यो । आर्मीका लागि बिनोद भण्डारीले ४२ बलमा ९ चौका र १ छक्का प्रहार गर्दै ५५ रन बनाए पनि टोलीको हार टार्न सकेनन् ।

त्यस्तै हरि वहादुर चौहानले ३८ र सोमपाल कामीले १० रन बनाउन बाहेक अन्य कुनै पनि खेलाडीले राम्रो प्रर्दशन गर्न सकेनन् । ओपनर अनिल कुमार मण्डल शून्य,राजु रिजाल,रोहित कुमार पौडेल समान ९,भिम सार्की ६,राजेश पुलामी मगर २,कुशल मल्ल १ रनमा आउट भए । कर्णालीको जितमा रविन्द्र जंग शाही र कृष्ण कार्कीले समान ३ विकेट हात पारे । त्यस्तै किशोर महतो र जितेन्द्रसिंह ठकुरीको नाममा १ विकेट रह्यो ।

त्यस अघि कर्णालीले कालिन्चोक मैदानमा टस जितेर पहिला ब्याटिङ गर्दै निर्धारित २० ओभरमा ७ विकेट गुमाउँदै १ सय ५६ रन बनाएको थियो । कर्णाली ११ का लोकेश बमले ३० बलमा ६ चौका र २ छक्का सहित ५०,जितेन्द्र सिंह ठकुरी ३०,प्रदीप रसाली ३४,रविन्द्र जंग शाहीले २३ रनको योगदान दिए ।

आर्मीका सुसन भारीले ४ ओभरमा १६ रन खर्चेर ५ लिए पनि त्यो जितको लागि काम लागेन । जितेन्द्र मुखिया र कुशल मल्लले समान १ विकेट लिए । त्यस्तै आज भएको पहिलो खेलमा महेन्द्र नगर क्रिकेटले हिमालयन क्रिकेट क्लवलाई ५ रनले हराएको छ ।