बिराट कोहलीले अविजित शतकीय पारि खेलेपछि महेन्द्र सिंह धोनीको राइजिंग पुने सुपरजायन्टसले रोयल च्यालेंजर्स बेंगलोरसंग सात विकेटको पराजय भोगेको छ|

१९२ रन्को लक्ष्य पछ्याएको बेंगलोरका लागि कप्तान कोहली र के.एल. राहुलले पहिलो विकेटका लागि ९४ रन्को साझेदारी गरे| राहुल ३८ रन बनाउदै आउट भए भने बिराट १०८ रनमा अविजित रहे| बेंगलोरको जितमा वाटसनको १३ बलमा ३६ रनको आक्रामक पारीको ठुलो योगदान रहेको थियो| डी भिलिएर्स भने केवल एक रनमै एडम जम्पाको बलमा कट आउट भए| जम्पाले राहुलको पनि विकेट लिएका थिए|

पहिलो ब्याटिङ्ग गरेको पुनेका लागि अजिंक्य रहानेले ७४ र सौरभ तिवारीले ५२ रन बनाएका थिए| दोश्रो विकेटका लागि १०६ रनको साझेदारी गरेका उनीहरुलाई अन्य ब्याट्सम्यानले साथ दिन सकेनन| बेंगलोरका सेन वाटसनले तिन विकेट लिएका थिए भने चहल र जोर्डनले एक-एक विकेट हात पारे|

दिनको दोश्रो खेलमा किंग्स इलेभेन पन्जाबले दिल्ली डेरडेभिल्स विरुद्ध नौ रनको जित हात पार्यो| पहिलो ब्याटिंग गरेर १८१ रन बनाएको पन्जाबका लागि रिधिमान साह र मार्कस स्तोइनीसले समान ५२ रन्को योगदान दिए| राम्रो सुरुवात भएतापनि डे कक् र स्याम्सनको विकेट गुमाएपछि लय बिर्सेको दिल्लीले अन्त्यमा पराजय भोग्नु पर्यो| पहिलो विकेटका लागि आक्रामक ७० रन्को साझेदारी गर्दा डी ककले ५२(३०) र स्याम्सनले ४९(३५) रन बनाएका थिए| ब्याटिङ्गमा चम्केका पन्जाबका स्तोइनीसले बलिङ्ग तर्फ पनि तिन विकेट लिए|